യുവന്റസുമായുള്ള കരാർ ഈ സീസൺ അവസാനിക്കുന്നതോടെ കഴിയുമെന്നിരിക്കെ, കരാർ പുതുക്കാനില്ലായെന്ന തീരുമാനത്തിൽ പൗളോ ഡിബാല. കരാർ പുതുക്കി ജുവന്റസിൽ തന്നെ തുടരുമെന്ന, ജുവന്റസിന്റെ പ്രതീക്ഷകൾക്ക് കനത്ത തിരിച്ചടിയാണ് ഡിബാലയുടെ തീരുമാനം.
യുവന്റസുമായുള്ള കരാർ പുതുക്കുന്നില്ലായെങ്കിൽ, ഈ സീസൺ അവസാനിക്കുന്നതോടെ ഫ്രീ ഏജന്റാകുന്ന പൗളോ ഡിബാലക്കായി യൂറോപ്പിലെ പല വമ്പൻ ക്ലബ്ബുകളുടെ ഒരു കടുത്ത മത്സരം തന്നെ നടക്കാനാണ് സാധ്യത.
പലർമോയിൽ നിന്നും 2015ൽ ജുവന്റസിൽ എത്തിയ പൗളോ ഡിബാല, ജുവെന്റസ് അഞ്ചു സീരി എ കിരീടങ്ങൾ നേടുന്നതിൽ നിർണ്ണായക പങ്കാളിയായിരുന്നു. ജുവന്റസിനായി 196 മത്സരങ്ങളിൽ നിന്നും 78 ഗോളുകൾ നേടിയിട്ടുണ്ട്.
Post a Comment