സ്വന്തം മൈതാനമായ പാർക്ക് ഡെസ് പ്രിൻസിൽ ഇഞ്ച്വറി ടൈമിൽ എംബാപ്പെ നേടിയ ഗോളിൽ റയൽ മാഡ്രിഡിനെ വീഴ്ത്തി പിഎസ്ജി. സമ്പൂർണ ആധിപത്യം സ്ഥാപിച്ച കളിയിൽ ലഭിച്ച അവസരം ലക്ഷ്യം കാണാൻ അവസാന നിമിഷം വരെ കാത്തിരിക്കേണ്ടി വന്ന പിഎസ്ജിക്ക്, ലഭിച്ച പെനാൽറ്റി മെസ്സി നഷ്ടപ്പെടുത്തിയതും തിരിച്ചടിയായി. റയൽ മാഡ്രിഡിന് വേണ്ടി ഗോൾ കീപ്പർ കോർട്ടോയിസ് മികച്ച പ്രകടനമാണ് പുറത്തെടുത്തത്.
60ആം മിനിറ്റിലായിരുന്നു പിഎസ്ജിക്ക് പെനാൾറ്റി ലഭിച്ചത്. എംബാപ്പെയെ കാർവഹാൽ വീഴ്ത്തിയതിന് തുടർന്നായിരുന്നു റഫറി പിഎസ്ജിക്ക് പെനാൽറ്റി അനുവദിച്ചത്, പക്ഷെ ലഭിച്ച പെനാൽറ്റി ലക്ഷ്യത്തിൽ എത്തിക്കാൻ മെസ്സിക്കായില്ല. മെസ്സിയുടെ ഷോട്ട് കോർട്ടോയിസ് തടയുകയായിരുന്നു.
നെയ്മറിന്റെ വരവ് പിഎസ്ജിയുടെ അറ്റാക്കിന് മൂർച്ച കൂട്ടി. അതിന്റെ ഫലമായി 94ആം മിനിറ്റിൽ എംബാപ്പെ റയൽ മാഡ്രിഡിന്റെ വല കുലുക്കുകയും ചെയ്തു.
ആദ്യ പാദത്തിലെ വിജയം രണ്ടാം പാദത്തിൽ റയൽ മാഡ്രിഡിനെതിരെ കൂടുതൽ ആത്മവിശ്വാസത്തിൽ ഇറങ്ങാൻ പിഎസ്ജിയെ സഹായിക്കും.
Post a Comment