2021ലെ മികച്ച മൂന്ന് കളിക്കാരെ വെളിപ്പെടുത്തി ബൊറൂസിയ ഡോര്‍ട്മുണ്ടിന്റെ നോര്‍വീജിയന്‍ താരം എര്‍ലിങ് ഹാളണ്ട്. റോബർട്ട് ലെവൻഡോസ്കി, കരീം ബെൻസിമ, ലയണൽ മെസ്സി, എന്നീ താരങ്ങളാണ്, 2021ലെ മികച്ച മൂന്ന് താരങ്ങളെന്ന് മാധ്യമങ്ങളോട് സംസാരിക്കവെ ഹാളണ്ട് വെളിപ്പെടുത്തിയത്. മാഞ്ചസ്റ്റര്‍ യുണൈറ്റഡിന്റെ സൂപ്പർ താരം ക്രിസ്റ്റ്യാനോ റൊണാൾഡോയെ ആദ്യ മൂന്നിൽ പരിഗണിച്ചില്ലായെന്നതും ശ്രദ്ധേയമാണ്.
2021ലെ ഫിഫയുടെ മികച്ച താരത്തിനുള്ള അവാര്‍ഡ് ലഭിച്ച താരമാണ് റോബര്‍ട്ട് ലെവന്‍ഡോസ്‌കി. ഈ സീസണിൽ 69 ഗോളുകകളാണ് താരം അടിച്ചുകൂട്ടിയത്.
ഈ സീസണിൽ 28 ഗോളുകൾ സ്വന്തമാക്കുകയും 8 ഗോളുകൾക്ക് വഴിയൊരുക്കുകയും ചെയ്ത റയല്‍ മാഡ്രിഡ് സ്‌ട്രൈക്കർ കരീം ബെൻസിമ, തന്റെ കരിയറിലെ തന്നെ മികച്ച ഫോമിലാണ് കളിച്ചുകൊണ്ടിരിക്കുന്നത്.
2021ലെ ബാലന്‍ ഡി ഓർ പുരസ്‌കാരം സ്വന്തമാക്കിയ താരമാണ് ലയണല്‍ മെസ്സി, കോപ്പ അമേരിക്ക നേടിയ താരം, തന്റെ കരിയറിലെ ഏഴാമത്തെ ബാലൻ ഡി ഓർ ആണ് സ്വന്തമാക്കിയത്.
Post a Comment