ഇന്നലെ നടന്ന ചാമ്പ്യൻസ് ലീഗ് മത്സരത്തിൽ ഇറ്റാലിയൻ ക്ലബായ അറ്റലാന്റക്കെതിരെ മാഞ്ചസ്റ്റർ യുണൈറ്റഡ് സമനില കൊണ്ട് രക്ഷപ്പെടുകയായിരുന്നു. ക്രിസ്റ്റ്യാനോ റൊണാൾഡോ തന്നെയാണ് ഇന്നലെയും മാഞ്ചസ്റ്റർ യുണൈറ്റഡിന്റെ രക്ഷകനായത്. ഇന്നലത്തെ മത്സരത്തിൽ ഇറ്റാലിയൻ ക്ലബായ അറ്റലാന്റക്കെതിരെ നേടിയ ഇരട്ടഗോളിലൂടെ പരിശീലകൻ ഒലെ സോൾസ്‌ജെയറിന്റെ ഗോൾ റെക്കോർഡ് മറികടക്കുകയും ചെയ്‌തു ക്രിസ്റ്റ്യാനോ റൊണാൾഡോ.
ക്ലബിനു വേണ്ടി നേടിയ ഗോളുകളുടെ എണ്ണത്തിലാണ് ക്രിസ്റ്റ്യാനോ റൊണാൾഡോ ഒലെ സോൾഷെയറെ മറികടന്നത്. 366 മത്സരങ്ങൾ ക്ലബിനു വേണ്ടി കളിച്ച് 126 ഗോളുകൾ ഒലെ നേടിയപ്പോൾ, 303 കളികൾ മാഞ്ചസ്റ്റർ യുണൈറ്റഡിനു വേണ്ടി കളിച്ച് 127 ഗോളുകളാണ് റൊണാൾഡോ നേടിയത്.
മാഞ്ചസ്റ്റർ യുണൈറ്റഡിൽ തിരിച്ചെത്തിയതിനു ശേഷം മികച്ച പ്രകടനമാണ് ക്രിസ്റ്റ്യാനോ റൊണാൾഡോ നടത്തുന്നത്. സ്ഥിരതയില്ലാത്ത പ്രകടനമൂലം വിമർശനം കേൾക്കുന്ന ഒലെക്ക്, വലിയ ആശ്വാസം നൽകുന്നതാണ് ക്രിസ്റ്റ്യാനോ റൊണാൾഡോ പ്രകടനം. ഇതുവരെ 11 മത്സരങ്ങളിൽ നിന്നുമായി എട്ടു ഗോളുകലാണ് ക്രിസ്റ്റ്യാനോ റൊണാൾഡോ നേടിയത്. പ്രീമിയർ ലീഗിൽ മാഞ്ചസ്റ്റർ സിറ്റിയാണ് അടുത്ത കളിയിൽ യുണൈറ്റഡിന്റെ എതിരാളികൾ.
Post a Comment