ഇന്നലെ നടന്ന ചാമ്പ്യൻസ് ലീഗ് മത്സരത്തിൽ ഇറ്റാലിയൻ ക്ലബായ അറ്റലാന്റക്കെതിരെ ക്രിസ്റ്റ്യാനോ റൊണാൾഡോ നേടിയ ഇരട്ടഗോളുകളാണ് മാഞ്ചസ്റ്റർ യുണൈറ്റഡിനെ പരാജയത്തിൽ നിന്നും രക്ഷിച്ചത്. അറ്റലാന്റക്കെതിരെയുള്ള മത്സരം കടുപ്പമേറിയതും, ഒപ്പം ഞങ്ങളെ കുറച്ച് ഭാഗ്യവും തുണച്ചു, എന്നാണ് മത്സരശേഷം ക്രിസ്റ്റ്യാനോ റൊണാൾഡോ മാധ്യമപ്രവർത്തകരുടെ ചോദ്യത്തിന് മറുപടിയായി പറഞ്ഞത്.
"ബെർഗാമോയിൽ അറ്റലാന്റാക്കെതിരെ കളിക്കുന്നത് വളരെ ബുദ്ധിമുട്ടായിരിക്കുമെന്ന് ഞങ്ങൾക്ക് അറിയാമായിരുന്നു, അവർക്ക് വളരെ മികച്ചൊരു പരിശീലകനുണ്ട്, ഞാൻ യുവന്റസിലുള്ള സമയത്ത് അവർക്കെതിരെ നടക്കുന്ന മത്സരമെല്ലാം വളരെ കടുപ്പമായിരുന്നു. എങ്കിലും ഞങ്ങൾ വിശ്വാസം കൈവിട്ടില്ല, ഞാൻ വളരെ സന്തോഷവാനാണ്. അറ്റലാന്റ ഒരുപാട് സമ്മർദ്ദം ചെലുത്തുമെന്ന് ഞങ്ങൾക്ക് അറിയാമായിരുന്നു. ഞങ്ങൾ ഒരിക്കലും വിട്ടുകൊടുക്കാൻ തയ്യാറലായിരുന്നു, ഇതു ഞങ്ങൾക്ക് നല്ലൊരു ഫലം തന്നെയാണ്. തുടക്കം ബുദ്ധിമുട്ടായിരുന്നു. എങ്കിലും, ഞങ്ങളെ കുറച്ച് ഭാഗ്യവും തുണച്ചു" - റൊണാൾഡോ വ്യക്തമാക്കി.
Post a Comment