റയൽ മാഡ്രിഡും യുവന്റസും നോട്ടമിട്ടിരിക്കുന്ന ജൂലിയൻ അൽവാരസിനായി കൂടുതൽ ക്ലബ്ബുകൾ രംഗത്ത്. അർജന്റീനിയൻ ക്ലബ്ബ് റിവർ പ്ലേറ്റിന് വേണ്ടി കളിച്ച് കൊണ്ടിരിക്കുന്ന താരം, ഈ സീസണിൽ റിവർ പ്ലേറ്റിനായി 19 മത്സരങ്ങളിൽ നിന്ന് ഏഴ് അസിസ്റ്റുകളും 17 ഗോളുകൾ നേടിട്ടുണ്ട്.
നേരത്തെ തന്നെ റയൽ മാഡ്രിഡിനും, യുവന്റസിനും വെല്ലുവിളി ഉയർത്തി ഫിയോറന്റീന, എസി മിലാൻ, ബയർ ലെവർകൂസൻ എന്നീ ക്ലബ്ബുക്കൽ അൽവാരസിനായി ശക്തമായി രംഗത്തുണ്ടായിരുന്നു. ഇപ്പോഴിതാ അൽവാരസിനെ സ്വന്തം കൂടാരത്തിൽ എത്തിക്കാൻ യൂറോപ്പിലെ മറ്റു പല വമ്പൻ ക്ലബ്ബുകളും രംഗത്തിരിങ്ങിരിക്കുകയാണ്.
പുറത്തു വരുന്ന റിപോർട്ടുകൾ പ്രകാരം ബാഴ്‌സലോണ, മാഞ്ചസ്റ്റർ യുണൈറ്റഡ്, മാഞ്ചസ്റ്റർ സിറ്റി, ഇന്റർ മിലാൻ, ആസ്റ്റൺ വില്ല എന്നീ ക്ലബ്ബുകളാണ് അൽവാരസിനായി രംഗത്തെത്തിയ പുതിയ ക്ലബ്ബുകൾ. എന്തായാലും ജൂലിയൻ അൽവാരസിനെ സ്വന്തം കൂടാരത്തിൽ എത്തിക്കാൻ യൂറോപ്പിലെ വമ്പൻ ക്ലബ്ബുകളുടെ ഒരു പോരാട്ടം തന്നെ നടക്കാനാണ് സാധ്യത.
Post a Comment