ഈ വരുന്ന ജനുവരി ട്രാൻസ്ഫെറിൽ മാഞ്ചസ്റ്റർ യുണൈറ്റഡ് താരം ആന്റണി മാർഷ്യൽ ക്ലബ് വിടുമെന്ന് സ്ഥിരീകരിച്ച് പരിശീലകൻ റാൽഫ് റാങ്നിക്ക്. മുൻനിരയിൽ ക്രിസ്റ്റ്യാനോ റൊണാൾഡോ, എഡിൻസൺ കവാനി എന്നിവർ ഉള്ളതുമൂലം ആദ്യ പതിനൊന്നിൽ സ്ഥാനം കണ്ടെത്താൻ കഴിയുന്നില്ല ആന്റണി മാർഷ്യലിന്. പ്രീമിയർ ലീഗിൽ ന്യൂകാസിലിനെതിരായ മത്സരത്തിന് മുന്നോടിയായി മാധ്യമങ്ങളോട് സംസാരിക്കവേയാണ് മാഞ്ചസ്റ്റർ യുണൈറ്റഡ് പരിശീലകൻ റാൽഫ് റാങ്നിക്ക്, ആന്റണി മാർഷ്യൽ ക്ലബ് വിടുമെന്ന വാർത്തയോട് പ്രതികരിച്ചത്.
കഴിഞ്ഞ ഏഴ് വർഷമായി താൻ ഇവിടെയുണ്ടെന്നും, ഒരു മാറ്റത്തിനുള്ള ശരിയായ സമയമാണിതെന്നാണ് തനിക്ക് തോന്നുന്നതെന്ന് ആന്റണി മാർഷ്യൽ തന്നോട് പറഞ്ഞതായി മാഞ്ചസ്റ്റർ യുണൈറ്റഡ് പരിശീലകൻ റാൽഫ് റാങ്നിക്ക് വ്യക്തമാക്കി.
നേരത്തെ സ്കൈ സ്‌പോർട്‌സിനോട് സംസാരിക്കവെ മാർഷലിന്റെ ഏജന്റ് ഫിലിപ്പ് ലംബോലി, ആന്റണി മാർഷ്യൽ ജനുവരിയിൽ ക്ലബ് വിടാൻ ആഗ്രഹിക്കുന്നുയെന്ന് പറഞ്ഞിരുന്നു.
إرسال تعليق