ഈ സീസണിൽ മികച്ച ഫോമിൽ കളിച്ചു കൊണ്ടിരിക്കുന്ന റിയൽ മാഡ്രിഡിന്, ഈ സീസണിൽ മോശം പ്രകടനം നടത്തുന്ന ബാഴ്‌സലോണ ഒരു എതിരാളിയല്ലായെന്ന് റിയൽ മാഡ്രിഡ് പരിശീലകൻ കാർലോ ആൻസലോട്ടി. മാധ്യമങ്ങളുടെ ചോദ്യത്തിന് മറുപടിയായിയാണ് റിയൽ മാഡ്രിഡ് പരിശീലകൻ തന്റെ അഭിപ്രായം പറഞ്ഞത്.
"സെവിയ്യ, റയൽ ബെറ്റിസ്‌ പോലെയുള്ള ടീമുകൾ പോയിന്റ് ടേബിളിൽ ഞങ്ങളുമായി വളരെ അടുത്ത് നിൽക്കുമ്പോൾ, ബാഴ്‌സലോണ ഈ സീസണിൽ ഞങ്ങൾക്ക് ഒരു എതിരാളിയാണെന്ന് പറയാൻ കഴിയില്ല"- കാർലോ ആൻസലോട്ടി പറഞ്ഞു
കഴിഞ്ഞ പതിമൂന്നു മത്സരങ്ങളിലും റിയൽ മാഡ്രിഡ് പരാജയം അറിഞ്ഞിട്ടില്ല. നിലവിൽ റിയൽ മാഡ്രിഡ് ബാഴ്‌സലോണയെക്കാൾ 15 പോയിന്റിന് മുന്നിലുമാണ്.
നിലവിൽ 15 പോയിന്റിന് റിയൽ മാഡ്രിഡിനെക്കാൾ പിന്നിലാണെങ്കിലും ഈ സീസണിൽ കിരീടം തന്നെയാണ് ലക്ഷ്യമെന്ന് ബാഴ്‌സലോണ പരിശീലകൻ സാവി നേരത്തെ പ്രതികരിച്ചിരുന്നു.
إرسال تعليق