ഇന്ന് സ്വന്തം മൈതാനമായ പാർക്ക് ഡെസ് പ്രിൻസിൽ നടന്ന മത്സരത്തിൽ ബെൽജിയൻ ക്ലബായ ക്ലബ് ബ്രൂജിനെ പരാജയപ്പെടുത്തി പിഎസ്‌ജി. ഒന്നിനെതിരെ നാലു ഗോളുകൾക്കാണ് പിഎസ്‌ജി ക്ലബ് ബ്രൂജിനെ പരാജയപ്പെടുത്തിയത്.
പിഎസ്‌ജിക്കു വേണ്ടി മെസി, എംബാപ്പെ എന്നീ താരങ്ങൾ രണ്ട് ഗോളുകൾ വീതം നേടി. കളി തുടങ്ങി ആദ്യ പത്ത് മിനുട്ടിനുള്ളിൽ തന്നെ ക്ലബ് ബ്രൂജിന്റെ വലയിൽ രണ്ട് ഗോൾ എത്തിച്ച് എംബാപ്പെ പിഎസ്‌ജിയെ മുന്നിലെത്തിച്ചു.
തുടർന്ന് 38, 76 ആം മിനുട്ടിൽ മെസിയും പിഎസ്‌ജിക്ക് വേണ്ടി ലക്ഷ്യം കണ്ടു. ഇതോടെ ചാമ്പ്യൻസ് ലീഗിൽ പിഎസ്‌ജിക്കു വേണ്ടി നേടിയ ഗോളുകളുടെ എണ്ണം നാലായി. ക്ലബ് ബ്രൂജിനു വേണ്ടി മാറ്റ്സ് റിറ്റ്സായിരുന്നു ആശ്യാസ ഗോൾ കണ്ടെത്തിയത്.
ഇതോടെ ഗ്രൂപ്പ് ഘട്ടം അവസാനിച്ചപ്പോൾ 12 പോയിന്റുമായി മാഞ്ചസ്റ്റർ സിറ്റി ആണ് ഗ്രൂപ്പ് ചാമ്പ്യന്മാർ. 11 പോയിന്റുമായി പിഎസ്‌ജി ഗ്രൂപ്പ് എ യിൽ രണ്ടാം സ്ഥാനത്താണ്.
Post a Comment