മാർഷ്യൽ മാഞ്ചസ്റ്റർ യുണൈറ്റഡ് വിടാൻ ആഗ്രഹിക്കുന്നുയെന്ന്‌ താരത്തിന്റെ ഏജന്റ്

മുൻനിരയിൽ ക്രിസ്റ്റ്യാനോ റൊണാൾഡോ എഡിൻസൺ കവാനി എന്നിവർ ഉള്ളതുമൂലം ആദ്യ പതിനൊന്നിൽ സ്ഥാനം കണ്ടെത്താൻ കഷ്ടപ്പെടുന്ന ആന്റണി മാർഷ്യൽ ഈ വരുന്ന ജനുവരി ട്രാൻസ്‌ഫർ ജാലകത്തിൽ, മാഞ്ചസ്റ്റർ യുണൈറ്റഡ് വിടാൻ ആഗ്രഹിക്കുന്നുയെന്ന്‌ താരത്തിന്റെ ഏജന്റ് ഫിലിപ്പ് ലംബോലി വ്യക്തമാക്കി.

സ്കൈ സ്‌പോർട്‌സിനോട് സംസാരിക്കവെയാണ് മാർഷലിന്റെ ഏജന്റ് ഫിലിപ്പ് ലംബോലി, ആന്റണി മാർഷ്യൽ ജനുവരിയിൽ ക്ലബ് വിടാൻ ആഗ്രഹിക്കുന്നുയെന്ന് പറഞ്ഞത്. 

2015ൽ മൊണാക്കോയിൽ നിന്ന് ഓൾഡ് ട്രാഫൊർഡിൽ എത്തിയതിന് ശേഷം മാഞ്ചസ്റ്റർ യുണൈറ്റഡിനായി 268 മത്സരങ്ങളിൽ നിന്ന് 79 ഗോളുകൾ നേടിയിട്ടുണ്ട് മാർഷ്യൽ.