മുഹമ്മദ് സലായെ പ്രശംസിച്ച് ലിവർപൂൾ ഇതിഹാസവും നിലവിലെ ആസ്റ്റൺ വില്ല പരിശീലകനുമായ സ്റ്റീവൻ ജെറാർഡ്. പരിശീലകനായതിനുശേഷം തന്റെ മുൻ ക്ലബ്ബായ ലിവർപൂളിനെ ആൻഫീൽഡിൽ വെച്ച് നേരിടുന്നതിന് മുമ്പ് മാധ്യമ പ്രവർത്തകരുടെ ചോദ്യത്തിന് മറുപടി പറയവെയാണ് മുഹമ്മദ് സലായെ സ്റ്റീവൻ ജെറാർഡ് പ്രശംസിച്ചത്.
"നിലവിൽ നൂറു ശതമാനം, ലോകത്തിലെ ഏറ്റവും മികച്ച കളിക്കാരനാണ് മുഹമ്മദ് സലാ" - സ്റ്റീവൻ ജെറാർഡ് പറഞ്ഞു.
ഈ സീസണിൽ മികച്ച ഫോമിലാണ് മുഹമ്മദ് സലാ. ലിവർപൂളിനായി ഇതുവരെ 19 ഗോളുകളും ഒമ്പത് അസിസ്റ്റുകളും നേടിയ സലാ, നിലവിൽ ഗോൾ സ്‌കോറർമാരുടെ പട്ടികയിൽ ഒന്നാം സ്ഥാനത്തുമാണ്.
ലിവർപൂളിനായി 504 മത്സരങ്ങളിൽ ബൂട്ട് കെട്ടിയിട്ടുള്ള സ്റ്റീവൻ ജെറാർഡ് ലിവർപൂളിന് വേണ്ടി 120 ഗോളുകളും നേടിയിട്ടുണ്ട്.
Post a Comment