ആഴ്സണലിനെതിരെ മാഞ്ചസ്റ്റർ യുണൈറ്റഡിന് ത്രസിപ്പിക്കുന്ന ജയം

മാഞ്ചസ്റ്റർ യുണൈറ്റഡിന്റെ രക്ഷകനായി വീടും ക്രിസ്റ്റ്യാനോ റൊണാൾഡോ. ക്രിസ്റ്റ്യാനോ റൊണാൾഡോ നേടിയ ഇരട്ടഗോളുകളിലൂടെയാണ്, മാഞ്ചസ്റ്റർ യുണൈറ്റഡ് സ്വന്തം മൈതാനമായ ഓൾഡ്ട്രാഫോർഡിൽ ആഴ്സണലിനെതിരെ ത്രസിപ്പിക്കുന്ന ജയം സ്വന്തമാക്കിയത്.

14ആം മിനുട്ടിൽ എമിലെ സ്മിത് റോയുടെ ഗോളിലൂടെ ആഴ്സണലാണ് മുന്നിലെത്തിയത്. കുറച്ച് മിനിട്ടുകൾക്ക് ശേഷം ആദ്യ പകുതി അവസാനിക്കാനിരിക്കെ 44ആം മിനുട്ടിൽ ബ്രൂണോ ഫെർണാണ്ടസിന്റെ ഗോളിലൂടെ മാഞ്ചസ്റ്റർ യുണൈറ്റഡ് ഒപ്പമെത്തി.

രണ്ടാം പകുതിയുടെ 52ആം മിനുട്ടിൽ ക്രിസ്റ്റ്യാനോ റൊണാൾഡോയുടെ ഗോളിലൂടെ മാഞ്ചസ്റ്റർ യുണൈറ്റഡ് മുന്നിലെത്തി. രണ്ട് മിനിറ്റിനുശേഷം 54ആം മിനുട്ടിൽ മാർട്ടിൻ ഒഡേഗാർഡിന്റെ ഗോളിലൂടെ ആഴ്സണൽ വീണ്ടും ഒപ്പമെത്തി. ഒഡേഗാഡ് തന്നെ പെനാൾട്ടി ബോക്സിൽ 69ആം മിനുട്ടിൽ ഫ്രെഡിനെ വീഴ്ത്തിയതിന് തുടർന്ന് ലഭിച്ച പെനാൽറ്റിലൂടെ ഗോൾ നേടി ക്രിസ്റ്റ്യാനോ റൊണാൾഡോ, ഒരിക്കൽ കൂടി മാഞ്ചസ്റ്റർ യുണൈറ്റഡിന്റെ രക്ഷകനാക്കുകയായിരുന്നു.