സൗദി നേതൃത്വത്തിലുള്ള കൺസോർഷ്യം കീഴിലുള്ള ആദ്യത്തെ പ്രധാന ട്രാൻസ്ഫെർ പൂർത്തിയാക്കി ന്യൂകാസ്റ്റിൽ യുണൈറ്റഡ്. അത്ലറ്റിക്കോ മാഡ്രിഡ് താരമായ ട്രിപ്പിയറെ 12 മില്യൺ നൽകിയാണ് ന്യൂകാസ്റ്റിൽ യുണൈറ്റഡ് ജെയിംസ് പാർക്കിൽ എത്തിച്ചത്.
"ഞാൻ ആവേശത്തിലാണ്, ഒരു ന്യൂകാസിൽ കളിക്കാരനായി സെന്റ് ജെയിംസ് പാർക്കിൽ ഇറങ്ങാൻ കഴിയുന്നതിൽ. വളരെയെറെ കഴിവുള്ള കളിക്കാരുടെ ഒരു അത്ഭുതകരമായ ക്ലബ്ബാണ് ഇത്. നമുക്ക് മുന്നിൽ ഒരുപാട് ജോലികൾ ഉണ്ടെന്ന് എനിക്കറിയാം" - ട്രിപ്പിയർ വ്യക്തമാക്കി.
റിലഗേഷനിൽ നിന്ന് രക്ഷപ്പെടാൻ വേണ്ടി ശ്രമിക്കുന്ന ന്യൂകാസ്റ്റിൽ യുണൈറ്റഡിനെ സംബന്ധിച്ച് ഒരു നിർണായക ട്രാൻസ്ഫെറാണ് ഇത്.
2019 ലാണ് ട്രിപ്പിയറെ ടോട്ടൻഹാമിൽ നിന്ന് അത്ലറ്റിക്കോ മാഡ്രിഡ് വാൻഡ മെട്രോപൊളിറ്റാനോയിൽ എത്തിക്കുന്നത്. അത്ലറ്റിക്കോ മാഡ്രിഡിന് വേണ്ടി 83 മത്സരങ്ങൾ കളിച്ച ട്രിപ്പിയർ, അത്ലറ്റിക്കോ മാഡ്രിഡ് പല പ്രധാന കിരീടങ്ങൾ നേടുന്നതിൽ നിർണ്ണായക പങ്കുവഹിച്ചിട്ടുണ്ട്.
Post a Comment