അദാമ ട്രയോറ ബാർസലോണയിലേക്ക് ചേക്കേറുന്നു. താരം ഇന്ന് ബാഴ്‌സലോണയിൽ എത്തി മെഡിക്കലിന് വിധേയനായി. ലോണിലാണ് താരം ബാർസലോണയിലേക്ക് ചേക്കേറുന്നത്. പിന്നീട് വേണമെങ്കിൽ താരത്തെ വാങ്ങാനുള്ള വ്യവസ്ഥയും വോൾവ്സുമായുള്ള കരാറിൽ ബാഴ്‌സലോണ ഉൾപ്പെടിത്തിയിട്ടുണ്ട്.
ലാ മാസിയയിൽ നിന്ന് കളി പഠിച്ച താരം, ബാഴ്‌സലോണ സീനിയർ ടീമിൽ അരങ്ങേറ്റം കുറിക്കുകയും, തുടർന്ന് 2015 ൽ ഇംഗ്ലീഷ് പ്രീമിയർ ലീഗ് ക്ലബ്ബായ ആസ്റ്റൺ വില്ലയിലേക്ക് ചേക്കേറുകയും. പിന്നീട് അവിടെ നിന്ന് മിഡിൽസ്‌ബ്രോയിലേക്ക് ചേക്കേറുകയുമായിരുന്നു.
നേരത്തെ അദാമ ട്രയോറിനായി ഇംഗ്ലീഷ് പ്രീമിയർ ലീഗ് ക്ലബ്ബായ ടോട്ടൻഹാം ശക്തമായി രംഗത്തുണ്ടായിരുന്നു. താരത്തിനായി ടോട്ടൻഹാം നൽകിയ 15 മില്ല്യൺ പൗണ്ടിന്റെ ഓഫർ വോൾവ്സ് നിരസിക്കുകയായിരുന്നു. താരത്തിനായി 20 മില്ല്യണിലധികം പൗണ്ട് വേണമെന്ന നിലപാടിലായിരുന്നു വോൾവ്സ്
2018 ഓഗസ്റ്റിൽ 18 മില്ല്യൺ പൗണ്ടിനാണ് വോൾവ്സ് താരത്തെ മിഡിൽസ്‌ബ്രോയിൽ നിന്ന് സൈൻ ചെയ്യുന്നത്. വോൾവ്സിനായി 122 മത്സരങ്ങളിൽ നിന്ന് 8 ഗോൾ മാത്രമാണ് താരം നേടിയത്.
Post a Comment