പോർട്ടോ താരം ലൂയിസ് ഡയസിന്റെ സൈനിംഗ് പൂർത്തിയാക്കി ലിവർപൂൾ. ലിവർപൂളുമായി 2027വരെയുള്ള കരാറിലാണ് ലൂയിസ് ഡയസ് ഒപ്പുവെച്ചത്. പോർട്ടോയിൽ നിന്ന് 50 മില്ല്യൺ നൽകിയാണ് താരത്തെ ലിവർപൂൾ ആൻഫീൽഡിൽ എത്തിച്ചത്.
ഖത്തർ ലോകകപ്പ് യോഗ്യത മത്സരത്തിനായി ദേശീയ ടീം കൊളംബിയക്കൊപ്പമുള്ള താരത്തിന്റെ മെഡിക്കൽ, ലിവർപൂൾ സംഘം വന്ന് പൂർത്തിയാക്കി.
കഴിഞ്ഞ കോപ്പ അമേരിക്കയിൽ കൊളംബിയക്ക് വേണ്ടി മികച്ച പ്രകടനമാണ് താരം കാഴ്ച്ചവെച്ചത്. ലിവർപൂളിന് പുറമെ ലൂയിസ് ഡയസിനായി ഇംഗ്ലീഷ് പ്രീമിയർ ക്ലബ്ബായ ടോട്ടൻഹാമും രംഗത്തുണ്ടായിരുന്നു. ടോട്ടൻഹാമിന്റെ ഓഫർ താരം നിരസിക്കുകയായിരുന്നു.
പോർട്ടോക്ക് വേണ്ടി ഈ സീസണിൽ ഇതുവരെ 18 ലീഗ് മത്സരങ്ങളിൽ നിന്ന് 14 ഗോളുകൾ നേടിയ താരം, കൊളംബിയക്കായി 31 മത്സരങ്ങളിൽ നിന്ന് 7 ഗോളുകളും നേടിയിട്ടുണ്ട്.
Post a Comment