പ്രീമിയർ ലീഗ് കിരീടം നേടുകയെന്നതാണ് ടോട്ടൻഹാമിന്റെ പരിശീലകൻ എന്ന നിലയിൽ തന്റെ ആഗ്രഹമെന്ന് പറഞ്ഞ അന്റോണിയോ കോണ്ടെ, ടോട്ടൻഹാം ആദ്യ നാലിൽ ഇടം നേടുന്നതിനെക്കുറിച്ച് സംസാരിക്കുന്നതിനോട് തനിക്ക് താല്പര്യമില്ലെന്നും വ്യക്തമാക്കി.
"എന്റെ ആദ്യ ലക്ഷ്യം, ഞാൻ ആവർത്തിക്കുന്നു, ഈ ടീമിനും ഈ ക്ലബ്ബിനും ഒരു അടിത്തറ സൃഷ്ടിക്കാൻ ശ്രമിക്കുക എന്നതാണ്. ഞങ്ങൾക്ക് വളരെയധികം പ്രവർത്തിക്കേണ്ടതുണ്ട്. മുൻകാലങ്ങളെ അപേക്ഷിച്ച്, ഞങ്ങൾ ഇപ്പോൾ കുറച്ചുകൂടി മെച്ചപ്പെട്ടുവെന്ന് ഞാൻ കരുതുന്നു.
ചാമ്പ്യൻസ് ലീഗിനെ കുറിച്ച് എന്നോട് ചോദിച്ചാൽ, ചാമ്പ്യൻസ് ലീഗിന് യോഗ്യത നേടുകയല്ല, മറിച്ച് പ്രീമിയർ ലീഗ് ജയിക്കുകയെന്നതാണ് തന്റെ ലക്ഷ്യം." - അന്റോണിയോ കോണ്ടെ പറഞ്ഞു.
ചെൽസിയ്‌ക്കൊപ്പം പ്രീമിയർ ലീഗ് കിരീടവും, ജുവന്റസിനും ഇന്റർ മിലാനിനും കൂടെ സീരി എ കിരീടവും നേടിയ കോണ്ടെ, മൂന്ന് മാസം മുമ്പാണ് ടോട്ടൻഹാം പരിശീലകനായി ചുമതലയേറ്റത്.
നിലവിൽ പ്രീമിയർ ലീഗ് പോയിന്റ് ടേബിളിൽ 20 കളികളിൽ നിന്ന് 36 പോയിന്റുമായി 7 ആം സ്ഥാനത്താണ് ടോട്ടൻഹാം.
إرسال تعليق