ബാഴ്‌സലോണ വിട്ട് ഫ്രഞ്ച് ക്ലബ്ബായ പിഎസ്ജിലേക്ക് ചേക്കേറിയത് മുതൽ തന്റെ പഴയ ഫോമിലേക്ക് ഉയരാൻ മെസ്സിക്ക് സാധിച്ചിട്ടില്ല. ഫ്രഞ്ച് കപ്പിൽ കഴിഞ്ഞ മത്സരത്തിൽ നീസിനോട് പെനാൽറ്റി ഷൂട്ടൗട്ടിൽ പരാജയപ്പെട്ട് പുറത്തായതോടെ, മെസ്സിക്കെതിരെ വിമർശനം ഉന്നയിച്ചിരിക്കുകയാണ് മുൻ പിഎസ്ജി താരം ജെറോം അലോൺസോ.
മെസ്സിയിൽ താൻ ഒരു ലീഡർഷിപ്പ് ക്വാളിറ്റി കണ്ടിട്ടില്ലായെന്നാണ് ജെറോം അലോൺസോ പറഞ്ഞിരിക്കുന്നത്. "നീസിനെതിരെയുള്ള മത്സരത്തിൽ കളിക്കളത്തിൽ ഒന്നും ചെയ്യാൻ കഴിയാത്ത മെസ്സിയെയാണ് ഞാൻ കണ്ടത്. മെസ്സിയിൽ നിന്ന് ഇതുവരെ ഒരു ലീഡറെ ഞാൻ കണ്ടിട്ടില്ല. പെരുമാറ്റം കൊണ്ടും പ്രകടനം കൊണ്ടും മെസ്സി ഒരു നല്ല ലീഡർ ആകേണ്ടതുണ്ട്. പക്ഷേ ഇതുവരെ അദ്ദേഹത്തിൽ നിന്ന് അങ്ങനെത്തെ ഒരു ലീഡർഷിപ്പ് ഞാൻ കണ്ടിട്ടില്ല. - ജെറോം അലോൺസോ വ്യക്തമാക്കി.
ഇതുവരെ ലീഗ് വണ്ണിൽ ഒരേ ഒരു ഗോൾ മാത്രമാണ് മെസ്സിക്ക് നേടാൻ സാധിച്ചത്.
Post a Comment