സൂപ്പർതാരങ്ങളുടെ സാന്നിധ്യം ഉണ്ടായിട്ടും സ്വന്തം മൈതാനമായ പാർക്ക് ഡെസ് പ്രിൻസിൽ നടന്ന മത്സരത്തിൽ അവസാന നിമിഷത്തിൽ എംബാപ്പെ നേടിയ ഒരു ഗോളിൽ പിഎസ്ജി റെന്നെസിനെതിരെ വിജയം പൊരുതി നേടുകയായിരുന്നു.
മത്സരശേഷം പിഎസ്ജി ടിവിയോട് റെന്നെസിനെതിരെയുള്ള വിജയത്തെ ഞങ്ങൾ എപ്പോഴും അവസാനം വരെ പോരാടുന്നു എന്നാണ് ഹക്കിമി വിശേഷിപ്പിച്ചത്. “സത്യം പറഞ്ഞാൽ, അവസാന നിമിഷങ്ങൾ വരെ ഇത് ബുദ്ധിമുട്ടുള്ള ഗെയിമായിരുന്നു, ഞങ്ങൾ പോരാടുകയും ചെയ്തു. ഇത് ഒരു മികച്ച കളിയായിരുന്നു, മൂന്ന് പോയിന്റുകൾ നേടിയതിൽ ഞങ്ങൾക്ക് സന്തോഷമുണ്ട്."
"ഈ ടീമിന്റെ ശക്തികളിൽ ഒന്ന് ഞങ്ങൾ എപ്പോഴും അവസാനം വരെ പോരാടുന്നുയെന്നതാണ്, ഇത് ടീമിന് വളരെ പോസിറ്റീവാണ് . കാരണം ഞങ്ങൾക്ക് ജയിക്കാൻ പ്രത്യേക കഴിവുണ്ടെന്ന് ഇത് കാണിക്കുന്നു.” -
93 മത്തെ മിനിറ്റിൽ മെസ്സി നൽകിയ പാസിൽ നിന്നായിരുന്നു എംബാപ്പെ വിജയ ഗോൾ നേടിയത്. റെന്നെസിനെതിരെയുള്ള വിജയം, ചാമ്പ്യൻസ് ലീഗിൽ റയൽ മാഡ്രിഡിനെ നേരിടാനൊരുങ്ങുന്ന പിഎസ്ജിക്ക് വലിയ ആത്മവിശ്വാസമാണ് നൽകുന്നത്. വിജയത്തോടെ രണ്ടാം സ്ഥാനക്കാരായ മാഴ്‌സയുമായുള്ള പോയിന്റ് വ്യത്യാസം പിഎസ്ജി പതിനാറായി ഉയർത്തി.
Post a Comment