ലോകത്തിൽ ഏറ്റവും കൂടുതൽ ആരാധകരുള്ള കായിക താരം ക്രിസ്റ്റ്യാനോ റൊണാൾഡോ ആണെന്നതിൽ ആർക്കും ഒരു സംശയവുമുണ്ടാകില്ല. അതിന് ഉദാഹരണമാണ് ഇൻസ്റ്റാഗ്രാമിൽ 400 മില്ല്യൺ ഫോളോവേഴ്‌സിനെ ലഭിച്ച ആദ്യ വ്യക്തിയായി ക്രിസ്റ്റ്യാനോ റൊണാൾഡോ മാറിയത്.
ശനിയാഴ്ച്ച 37 വയസ്സ് തികഞ്ഞ താരം 2020 ജനുവരിയിൽ ആദ്യമായി 200 മില്ല്യൺ ഫോളോവേഴ്‌സിനെ ലഭിച്ച ആദ്യ വ്യക്തിയെന്ന നേട്ടവും സ്വന്തമാക്കിയിരുന്നു. കരിയറിന്റെ അവസാന ഘട്ടത്തിലേക്ക് കടക്കുമ്പോഴും രണ്ട് വർഷത്തിനുള്ളിൽ ആ എണ്ണം ഇരട്ടിയാക്കാൻ കഴിഞ്ഞത്, താരത്തിന് ആരാധകർ ഇപ്പോഴും വർദ്ധിച്ചുകൊണ്ടിരിക്കുകയാണെന്നതിന് തെളിവാണ്.
അഞ്ച് തവണ ബാലൺ ഡി ഓർ ജേതാവായ താരം ഇൻസ്റ്റാഗ്രാമിൽ 501 അക്കൗണ്ടുകൾ മാത്രമാണ് പിന്തുടരുന്നത്. 306 മില്ല്യൺ ഫോളോവേഴ്‌സുമായി ഏഴ് തവണ ബാലൺ ഡി ഓർ ജേതാവായ മെസ്സിയാണ് ഏറ്റവും കൂടുതൽ ആരാധകർ പിന്തുടരുന്ന രണ്ടാമത്തെ ഫുട്ബോൾ താരം.
Post a Comment