കളിക്കാൻ അവസരം ലഭിക്കാത്തതിനെ തുടർന്ന് ഈ വരുന്ന സമ്മർ ട്രാൻസ്ഫെറിൽ റയൽ മാഡ്രിഡ് താരം ഹസാർഡ്, ക്ലബ്ബ് വിടുമെന്ന അഭ്യുഹം ശക്തമായിരിക്കെ താരത്തിനായി ഇംഗ്ലീഷ് പ്രീമിയർ ലീഗ് ക്ലബ്ബായ ആഴ്‌സണൽ രംഗത്തുണ്ടെന്ന് റിപ്പോർട്ട്.
ചെൽസിക്കായി നിരവധി കിരീടങ്ങൾ നേടിയ താരത്തെ അന്നത്തെ റെക്കോർഡ് തുകയ്ക്കാണ് റയൽ മാഡ്രിസ് സാന്തിയാഗോ ബെർണബ്യുവിൽ എത്തിച്ചത്. പക്ഷെ ചെൽസിക്കായി കാഴ്ച്ചവെച്ച പ്രകടനത്തിന്റെ ഒരു അംശം പോലും താരത്തിന്, റിയൽ മാഡ്രിഡിൽ എത്തിയതിന് ശേഷം കാഴ്ച്ച വെക്കാൻ സാധിച്ചിരുന്നില്ല. പരിക്കായിരുന്നു താരത്തിന് വിനയായത്. തുടർച്ചയായ പരിക്കുകളും ഫോമില്ലായ്മ കാരണം അൻസെലോട്ടിയുടെ ആദ്യ പതിനൊന്നിൽ സ്ഥാനം കണ്ടെത്താൻ ബുദ്ധിമുട്ടുകയാണ് താരം.
പക്ഷെ ഈ സീസണിൽ റയൽ മാഡ്രിഡ് വിടാൻ താരം ഉദ്ദേശിക്കുന്നില്ലെന്നും, പകരം അടുത്ത സീസണിൽ തന്റെ സ്ഥാനത്തിനായി പോരാടാനാണ് താരം ആഗ്രഹിക്കുന്നതും എന്നാണ് താരവുമായുള്ള അടുത്ത വൃത്തങ്ങൾ പറയുന്നത്.
നിലവിൽ താരത്തിന് റയൽ മാഡ്രിഡുമായി രണ്ടര വർഷത്തെ കരാർ ബാക്കിയുണ്ട്.
إرسال تعليق