മാഞ്ചസ്റ്റർ ഡെർബിയിൽ മാഞ്ചസ്റ്റർ സിറ്റിക്കെതിരെ പരാജയപ്പെട്ടതിന് ശേഷം മാഞ്ചസ്റ്റർ യുണൈറ്റഡ് താരങ്ങൾക്കെതിരെ കടുത്ത വിമർശനവുമായി മാഞ്ചസ്റ്റർ യുണൈറ്റഡ് ഇതിഹാസ താരം റോയ് കീൻ. മഗ്വയർ, വാൻ ബിസാക്ക, ഫ്രെഡ്, റാഷ്‌ഫോഡ് എന്നിവരെയാണ് റോയ് കീൻ കടുത്ത ഭാഷയിൽ വിമർശിച്ചത്.
സ്കൈ സ്പോർട്സിനോട് സംസാരിക്കവെയാണ്, ഈ താരങ്ങൾ മാഞ്ചസ്റ്റർ യുണൈറ്റഡിൽ കളിക്കാൻ അർഹരല്ലായെന്ന് റോയ് കീൻ പറഞ്ഞിരിക്കുന്നത്."മാഞ്ചസ്റ്റർ യുണൈറ്റഡിന്റെ എല്ലാ പോരായ്മകളും ഞങ്ങൾ ഇന്ന് കണ്ടു. പിന്നോട്ട് ഓടാൻ പറ്റാത്ത കളിക്കാർ പോലും ഇന്ന് മാഞ്ചസ്റ്റർ യുണൈറ്റഡിലുണ്ട്. അത് ലജ്ജാകരമാണ്. ഞാൻ തെറ്റുകൾ ക്ഷമിക്കുന്നു, പക്ഷേ നിങ്ങൾ തിരികെ ഓടണം.
"മാഞ്ചസ്റ്റർ യുണൈറ്റഡിനായി ഒരിക്കലും കളിക്കാൻ പാടില്ലാത്ത കുറച്ചു കളിക്കാർ ഉണ്ട്. മഗ്വയർ, വാൻ ബിസാക്ക, ഫ്രെഡ്, റാഷ്‌ഫോഡ് എന്നിവർ മാഞ്ചസ്റ്റർ യുണൈറ്റഡിൽ കളിക്കാൻ പോലും അർഹരല്ല." - റോയ് കീൻ പറഞ്ഞു.
മാഞ്ചസ്റ്റർ സിറ്റിയുടെ മൈതാനമായ ഇത്തിഹാദ് സ്റ്റേഡിയത്തിൽ നടന്ന മത്സരത്തിൽ ഒന്നിനെതിരെ നാല് ഗോളുകൾക്കാണ് മാഞ്ചസ്റ്റർ സിറ്റി മാഞ്ചസ്റ്റർ യുണൈറ്റഡിനെ പരാജയപ്പെടുത്തിയത്. മാഞ്ചസ്റ്റർ സിറ്റിക്കായി ഡി ബ്രുയിൻ, മഹ്റസ് എന്നിവർ ഇരട്ട ഗോളുകൾ നേടിയപ്പോൾ മാഞ്ചസ്റ്റർ യുണൈറ്റഡിനായി സാഞ്ചോയാണ് ആശ്വാസ ഗോൾ നേടിയത്.
Post a Comment