ഇടക്കാല മാനേജർ റാൽഫ് റാങ്‌നിക്കിന്റെ വരവിനുശേഷം തന്റെ കരിയറിലെ തന്നെ മോശം ഫോമിലാണ് ക്രിസ്റ്റ്യാനോ റൊണാൾഡോ കളിച്ചു കൊണ്ടിരിക്കുന്നത്. ഈ വർഷം മാഞ്ചസ്റ്റർ യുണൈറ്റഡിനായി ആകെ ഒരു ഗോൾ മാത്രാമാണ് താരത്തിന് നേടാൻ ആയത്. കഴിഞ്ഞ കുറെ കളികളിലെ ഫോമില്ലായ്‌മ മൂലം മാഞ്ചസ്റ്റർ യുണൈറ്റഡ് സൂപ്പർ താരം ക്രിസ്റ്റ്യാനോ റൊണാൾഡോക്കെതിരെ നിരവധി വിമർശനങ്ങളാണ് ഉയർന്നു വരുന്നത്.
ഈ വിമർശനങ്ങൾക്കിടെ താരത്തിന് പിന്തുണയുമായി എത്തിയിരിക്കുകയാണ് മുൻ മാഞ്ചസ്റ്റർ യുണൈറ്റഡ് താരം മൈക്കിൾ സിൽവസ്‌ട്രെ. "ഇത് സാധാരണമാണ്, കാരണം അദ്ദേഹം വഹിക്കുന്ന പേര് തന്നെയാണ് പ്രധാന കാരണം. അദ്ദേഹത്തിന് മേലുള്ള പ്രതീക്ഷ വലുതാണ്. ടീമിന്റെ മോശം ഫോം വെച്ചുനോക്കുമ്പോൾ താരം ഗോളുകൾ നേടുന്നില്ലെങ്കിൽ പോലും, താരത്തിന്റെ സൈനിംഗ് ഒരു പോസിറ്റീവായ കാര്യമാണ്. അദ്ദേഹം റൊണാൾഡോയാണ്, ദൈവമല്ല." - സിൽവസ്‌ട്രെ പറഞ്ഞു
Post a Comment