ഐ.എസ്.എല്ലിൽ കേരള ബ്ലാസ്റ്റേഴ്‌സിന് തകർപ്പൻ വിജയം. നിര്‍ണായക മത്സരത്തില്‍ മുംബൈ സിറ്റിയെ പരാജയപ്പെടുത്തി കേരള ബ്ലാസ്റ്റേഴ്‌സ് പ്ലേ ഓഫ് സാധ്യത നിലനിർത്തി. മൂന്ന് ഗോളുകൾക്കായിരുന്നു കേരള ബ്ലാസ്റ്റേഴ്‌സ് മുംബൈ സിറ്റിയെ പരാജയപ്പെടുത്തിയത്. ബ്ലാസ്റ്റേഴ്‌സിനായി വാസ്ക്വസ്, സഹല്‍ എന്നിവർ ലക്ഷ്യം കണ്ടു.
കളിയുടെ ആദ്യ പകുതിയിലെ 19 ആം മിനുറ്റിൽ സഹലായിരുന്നു ബ്ലാസ്റ്റേഴ്‌സിനായി ആദ്യം ലക്ഷ്യം കണ്ടത്. ആദ്യ പകുതി അവസാനിക്കാനിരിക്കെ വാസ്ക്വസിനെ ബോക്സിനുള്ളിൽ വീഴ്ത്തിയതിനെ തുടർന്ന് ലഭിച്ച പെനാൽറ്റി, താരം തന്നെ ലക്ഷ്യത്തിൽ എത്തിച്ച് ആദ്യ പകുതിയിൽ ബ്ലാസ്റ്റേഴ്‌സിന് രണ്ട് ഗോളിന്റെ ലീഡ് നൽകുകയായിരുന്നു.
രണ്ടാം പകുതിയിലെ 60 ആം മിനുറ്റിൽ വാസ്ക്വസ് തന്നെ ബ്ലാസ്റ്റേഴ്‌സിന്റെ ലീഡ് മൂന്നാക്കി ഉയർത്തി. 71 ആം മിനുറ്റിൽ മൗറീസിയോയായിരുന്നു, മുംബൈ സിറ്റിക്കായി ആശ്വാസ ഗോൾ നേടിയത്.
Post a Comment