പിഎസ്‌ജി സൂപ്പർ താരം ഡി മരിയക്കായി ഇറ്റാലിയൻ വമ്പന്മാരായ ജുവെന്റസ് രംഗത്ത്. 34കാരനായ താരം ഈ സീസണ് ശേഷം ഫ്രീ ഏജന്റായി ലീഗ് വൺ വിടുമെന്ന് ഏറെക്കുറെ ഉറപ്പാണ്. മുന്നേറ്റ താരം ഡിബാല ക്ലബ്ബ് വിടുമെന്ന കാര്യം ഉറപ്പായിരിക്കെ, താരത്തിന് പകരം ഡി മരിയയെ ട്യൂറിനിൽ എത്തിക്കാനുള്ള ശ്രമത്തിലാണ് ജുവെന്റസ്.
പരിശീലകൻ പോച്ചെറ്റിനോയുടെ ആദ്യ പതിനൊന്നിൽ സ്ഥിര സാന്നിദ്ധ്യമല്ല താരം. മിക്ക കളികളിലും പകരക്കാരനായാണ് താരം ഇറങ്ങുന്നതെങ്കിലും മികച്ച പ്രകടനമാണ് താരം കാഴ്ച്ച വെക്കുന്നത്. ലോകകപ്പ് മുന്നിൽ എത്തി നിൽക്കെ, ദേശീയ ടീമിൽ ഇടം പിടിക്കണമെങ്കിൽ താരത്തിന് കളിക്കാൻ കൂടുതൽ സമയം ലഭിച്ചേ മതിയാകൂ. ഒരു വർഷത്തേക്ക് കൂടി ഡി മരിയയുമായി കരാർ പുതുക്കാനുള്ള ക്ലോസ് പിഎസ്‌ജിക്ക് ഉണ്ടായിരുന്നെങ്കിലും, ഏഴ് വർഷം പിഎസ്‌ജിക്കായി കളിച്ച താരവുമായി ക്ലബ്ബ് അതിന് തയ്യാറല്ലായെന്നാണ് പുറത്ത് വരുന്ന റിപ്പോർട്ട്.
പിഎസ്‌ജി നിരവധി കിരീടങ്ങൾ നേടുന്നതിൽ മുഖ്യ പങ്ക് വഹിച്ച താരത്തിനായി ജുവന്റസിന് പുറമെ അത്ലറ്റികോ മാഡ്രിഡ്, താരത്തിന്റെ മുൻ ക്ലബ്ബായ ബെൻഫിക്ക എന്നീ ടീമുകളും രംഗത്തുണ്ട്.
Juventus are following the situation of PSG winger Angel Di Maria whose contract expires in the summer. [GdS] #Juventus pic.twitter.com/gCzkoEiFzo
— Italian Football News 🇮🇹 (@footitalia1) April 5, 2022
Post a Comment