ചാമ്പ്യൻസ് ലീഗ് ക്വാർട്ടറിൻ്റെ ആദ്യ പാദത്തിൽ ബെൺസിമയുടെ ഹാട്രിക് മികവിൽ റയൽ മാഡ്രിഡ് 1നെതിരെ 3ഗോളുകൾക്ക് ചെൽസിയെ പരാജയപ്പെടുത്തിയിരുന്നു. ചെൽസിയുടെ മൈതാനമായ സ്റ്റാംഫോർഡ് ബ്രിഡ്ജിൽ വെച്ച് നടന്ന കളിയുടെ 21,24,46 എന്നീ മിനിറ്റുകളിലായിരുന്നു താരം ചെൽസിക്കെതിരെ ഗോൾ കണ്ടെത്തിയത്.
കളിയിൽ ഉടനീളം കാഴ്ച്ചവെച്ച മികച്ച പ്രകടനത്തിൽ, താരത്തിന് വിവിധ കോണുകളിൽ നിന്ന് പ്രശംസ പിടിച്ചുപറ്റാൻ സാധിച്ചിരുന്നു. ഇപ്പോഴിതാ താരത്തെ ഫുട്ബോൾ ഇതിഹാസം ജോഹാൻ ക്രൈഫിനോട് ഉപമിച്ചിരിക്കുകയാണ് റെന്നസ് പരിശീലകൻ ബ്രൂണോ ജെനിസിയോ.
"ഗോളുകൾ നേടാനുള്ള അദ്ദേഹത്തിൻ്റെ ബുദ്ധിപൂർവ്വമായ നീക്കങ്ങൾ മികച്ചതാണ്. എന്നെ സംബന്ധിച്ചെടുത്തോളം ജോഹാൻ ക്രൈഫ് പോലുള്ള താരങ്ങളുടെ അതെ ക്വാളിറ്റിയാണ് ബെൺസിമയിക്കുള്ളത്. ഫുട്ബോൾ ചരിത്രത്തിലെ തന്നെ ഏറ്റവും മികച്ച താരങ്ങളിൽ ഒരാളാണ് അദ്ദേഹം" - ജെനിസിയോ പറഞ്ഞു.
പ്രീ ക്വാർട്ടറിൽ പിഎസ്‌ജികെതിരെയും ക്വാർട്ടറിൽ ചെൽസിക്കെതിരെ നേടിയ ഹാട്രിക്കോടെ, ക്രിസ്റ്റ്യാനോ റൊണാൾഡോയ്ക്ക് ശേഷം ചാമ്പ്യൻസ് ലീഗിൽ തുടർച്ചയായ രണ്ട് കളികളിൽ ഹാട്രിക്ക് നേടുന്ന താരമായിരിക്കുകയാണ് ബെൻസിമ.
Post a Comment