മാഞ്ചസ്റ്റർ സിറ്റിയിൽ ഇത് തന്റെ അവസാനത്തെ സീസണായിരിക്കുമെന്ന് മിഡ്ഫീൽഡർ ഫെർണാണ്ടീനോ. ചാമ്പ്യൻസ് ലീഗിൽ അത്‌ലറ്റിക്കോ മാഡ്രിഡിനെതിരെയുള്ള രണ്ടാം പാദ മത്സരത്തിന് മുമ്പുള്ള പത്ര സമ്മേളനത്തിൽ, അടുത്ത സീസണിൽ മാഞ്ചസ്റ്റർ സിറ്റിയിൽ ഉണ്ടാകുമെന്ന് പ്രതീക്ഷിക്കുന്നുണ്ടോ എന്ന മാധ്യമ പ്രവർത്തകന്റെ ചോദ്യത്തിന് മറുപടിയായിട്ടാണ് താരം ഇല്ലായെന്ന് പറഞ്ഞത്.
"എന്റെ കുടുംബത്തോടൊപ്പം ഞാൻ ബ്രസീലിലേക്ക് മടങ്ങും. ഞാൻ അത് തീരുമാനിച്ചു" - താരം വ്യക്തമാക്കി.
2013ലാണ് താരത്തെ, മാഞ്ചസ്റ്റർ സിറ്റി ഷക്തർ ഡൊണെറ്റ്‌സ്കിൽ നിന്ന് ഇത്തിഹാദിൽ എത്തിക്കുന്നത്. തുടർന്ന് മാഞ്ചസ്റ്റർ സിറ്റി നാല് പ്രീമിയർ ലീഗ് കിരീടവും, ഒരു എഫ്‌എ കപ്പും ആറ് ഇഎഫ്‌എൽ കപ്പും നേടുന്നതിൽ താരം നിർണ്ണായക പങ്കുവഹിച്ചു. കഴിഞ്ഞ ജൂണിലാണ് താരം മാഞ്ചസ്റ്റർ സിറ്റിയുമായി ഒരു വർഷത്തെ കരാർ പുതുക്കിയത്.
إرسال تعليق