ഈ വരുന്ന സീസണിൽ മാഞ്ചസ്റ്റർ യുണൈറ്റഡ് ക്ലബ്ബിൽ എത്തിക്കാൻ ശ്രമിച്ച പ്രധാനപ്പെട്ട താരങ്ങളിൽ ഒരാളായിരുന്നു ഉറുഗ്വേൻ മുന്നേറ്റ താരമായ ഡാർവിൻ നുനസ്. എന്നാൽ താരം മാഞ്ചസ്റ്റർ യുണൈറ്റഡിൻ്റെ ഓഫർ നിരസിച്ച് ചിരവൈരികളായ ലിവർപൂളിലേക്ക് ചേക്കേറാൻ തീരുമാനിക്കുകയായിരുന്നു. താരത്തിന് പകരം ഇപ്പോൾ മുന്നേറ്റ നിരയിലേക്ക് ലെവൻഡോസ്‌കിയെ എത്തിക്കാനുള്ള ശ്രമത്തിലാണ് മാഞ്ചസ്റ്റർ യുണൈറ്റഡ്.
നിലവിൽ ബയേൺ മ്യൂണിക്ക് വിടണമെന്ന ഉറച്ച തീരുമാനത്തിൽ നിൽക്കുകയാണ് ലെവൻഡോസ്‌കി. താരത്തിന് സൂപ്പർ താരം ക്രിസ്റ്റ്യാനോ റൊണാൾഡോക്ക് തുല്യമായ വേതനം നൽകാമെന്നാണ് മാഞ്ചസ്റ്റർ യുണൈറ്റഡ് വാഗ്ദാനം ചെയ്തിരിക്കുന്നത്. എന്നാൽ താരം ഈ ഓഫർ സ്വീകരിക്കാനുള്ള സാധ്യത കുറവാണ്.
നേരത്തെ ബാഴ്‌സലോണ അല്ലാതെ മറ്റൊരു ടീമിൻ്റെയും ഓഫർ പരിഗണിച്ചിട്ടില്ലായെന്ന് പറഞ്ഞ ലെവൻഡോസ്‌കി, ബാഴ്‌സലോണയിലേക്കാണ് തനിക്ക് ചേക്കേറാൻ താൽപര്യമെന്നും പരസ്യമായി വ്യക്തമാക്കിയതാണ്. ബാഴ്സലോണയും താരത്തെ ക്ലബ്ബിൽ എത്തിക്കാൻ ശക്തമായ ശ്രമങ്ങൾ നടത്തുന്നുണ്ട്. പക്ഷേ താരത്തെ ടീമിലെത്തിക്കാനുള്ള ഫണ്ട് ഇതുവരെ കണ്ടെത്താൻ ബാഴ്സലോണക്ക് കഴിഞ്ഞിട്ടില്ല.
ഫ്രങ്കീ ഡി ജോംഗ് അടക്കമുള്ള കുറച്ച് താരങ്ങളെ ഒഴുവാകിയാൽ മാത്രമേ ബാഴ്സലോണക്ക് താരത്തിന് വേണ്ടിയുള്ള ഫണ്ട് കണ്ടെത്താൻ സാധിക്കൂ. ഈ അവസരം മാഞ്ചസ്റ്റർ യുണൈറ്റഡിന് ഉപയോഗപ്പെടുത്താൻ സാധിക്കുമോ എന്നാണ് ഫുട്ബോൾ ഉറ്റുനോക്കുന്നത്.
Post a Comment