തനിക്ക് വേണ്ടി മികച്ച ഓഫർ ലഭിക്കുകയാണെങ്കിൽ തന്നെ വിൽക്കുന്ന കാര്യം പരിഗണിക്കണമെന്ന് മാഞ്ചസ്റ്റർ യുണൈറ്റഡിനോട് ആവശ്യപ്പെട്ടതിന് പിന്നാലെ, സൂപ്പർ താരം ക്രിസ്റ്റ്യാനോ റൊണാൾഡോയുടെ അടുത്ത ക്ലബ്ബ് ഏതാണ് എന്ന ആകാംക്ഷയിലാണ് ഫുട്ബോൾ ലോകം. നിരവധി ക്ലബ്ബുകമായി ബന്ധപ്പെട്ട് താരത്തിൻ്റെ ട്രാൻസ്ഫർ റൂമറുകൾ ഉണ്ടെങ്കിലും, ബയേൺ മ്യൂണിക്ക് ഇതിഹാസമായ ലോതർ മത്തെവൂസ് ഇപ്പോൾ പറഞ്ഞിരിക്കുന്നത്, താരം ബയേൺ മ്യൂണിക്കിൽ എത്തുകയാണെങ്കിൽ അത് ഒരു സെക്‌സിയായ കാര്യമായിരിക്കും എന്നാണ്.
"ക്രിസ്റ്റ്യാനോ റൊണാൾഡോ ബയേൺ മ്യൂണിക്കിൽ എത്തിയാൽ അത് ഒരു സെക്‌സിയായ കാര്യമായിരിക്കും. മികച്ച നിലയിൽ ഇപ്പോഴും ശാരീരികക്ഷമതയുള്ള താരത്തിന് ഒന്നോ രണ്ടോ വർഷങ്ങൾ കൂടി ക്ലബ്ബിനെ തീർച്ചയായും സഹായിക്കാൻ കഴിയും. തീർച്ചയായും ലെവൻഡോസ്‌കി ടീം വിടുകയാണെങ്കിൽ അതിൽ ലഭിക്കുന്ന ട്രാൻസ്ഫർ ഫീ ക്രിസ്റ്റ്യാനോ റൊണാൾഡോക്ക് വേണ്ടി ഉപയോഗിക്കാം."- ലോതർ മത്തെവൂസ് വ്യക്തമാക്കി.
താരത്തിനെ ടീമിൽ എത്തിക്കുന്നതിനായി ചെൽസി, നാപ്പോളി, റോമ തുടങ്ങിയ ക്ലബ്ബുകൾ ശ്രമം നടത്തുന്നുണ്ട്. പക്ഷെ മാഞ്ചസ്റ്റർ യുണൈറ്റഡുമായി കരാറുള്ള താരത്തെ ക്ലബ്ബിൽ നിലനിർത്താൻ തന്നെയാണ് ക്ലബ്ബ് നേതൃത്വത്തിന്റെ തീരുമാനം.
Post a Comment