മുന്നേറ്റ താരം ഡി മരിയയുമായി യുവന്റസ് കരാറിലെത്തി. ഒരു വർഷത്തെ കരാറാണ് താരത്തിന് യുവന്റസ് നൽകിയിരിക്കുന്നത്. പരിശീലകൻ അല്ലെഗ്രി ഈ വരുന്ന സീസണിൽ ടീമിൽ എത്തിക്കാൻ ശ്രമിച്ച പ്രധാന താരമായിരുന്നു ഡി മരിയ. താരം ഈ ആഴ്ച്ച തന്നെ ട്യൂറിനിൽ എത്തി മെഡിക്കൽ പൂർത്തിയാക്കും. കഴിഞ്ഞ ഏഴ് വർഷമായി പിഎസ്‌ജിക്കായി ബൂട്ടുകെട്ടിയ താരം, ഫ്രീ ഏജന്റായി കഴിഞ്ഞ സീസണിലാണ് പിഎസ്‌ജി വിട്ടത്.
ഫ്രീ ഏജന്റായി പിഎസ്‌ജി വിട്ടത് കൊണ്ട് തന്നെ താരത്തിനായി ബാഴ്‌സലോണയും ഇംഗ്ലീഷ് പ്രീമിയർ ലീഗിലെ നിരവധി ക്ലബ്ബുകളും മികച്ച ഓഫറുകളുമായി രംഗത്തുണ്ടായിരുന്നെങ്കിലും, താരം ഇതുവരെ കളിച്ചിട്ടിലാത്ത സീരി എയിലേക്ക് ചേക്കേറാൻ തീരുമാനിക്കുകയായിരുന്നു. താരത്തിന് ജുവെന്റസ് രണ്ട് വർഷത്തെ കരാറാണ് നൽകിയിരുന്നതെങ്കിലും, ഖത്തർ ലോകകപ്പ് മുന്നിൽ കണ്ട് ഒരു വർഷം കൂടെ യൂറോപ്പിൽ തന്നെ കളിച്ച്, തിരികെ അർജന്റീനയിലേക്ക് പോകാൻ ആഗ്രഹിക്കുന്ന ഡി മരിയ ആ ഓഫർ നിരസിക്കുകയായിരുന്നു. തുടർന്ന് നീണ്ട ചർച്ചകൾക്കൊടുവിലാണ് താരത്തിന് ഒരു വർഷത്തെ കരാർ നൽകാൻ ജുവെന്റസ് തീരുമാനിച്ചത്.
മുന്നേറ്റ താരം ഡിബാല ക്ലബ്ബ് വിട്ട സാഹചര്യത്തിൽ പരിശീലകൻ അല്ലെഗ്രിയുടെ കീഴിൽ 4-3-3 എന്ന ഫോർമാറ്റിൽ കളിക്കുന്ന ജുവെന്റസിന്, ഡി മരിയയുടെ നിലവാരവും അനുഭവപരിചയവും ഗുണകരമാകുമെന്നാണ് ക്ലബ്ബ് കണക്കൂട്ടുന്നത്.
Ángel Di María to Juventus, here we go! Admfter agreement reached on free move, Di María’s expected to fly to Italy this week. 🚨🇦🇷 #Juvenrus
— Fabrizio Romano (@FabrizioRomano) July 6, 2022
Paul Pogba will also be in Turin on Saturday, deal done weeks ago.
One-year deal for Di María - docs being prepared to be signed soon. pic.twitter.com/7aAKfcrSEj
Post a Comment