ഇന്നലെ കിംഗ് പവർ സ്റ്റേഡിയത്തിൽ നടന്ന യൂറോപ്പ ലീഗ് മത്സരത്തിൽ ലെഗിയ വാർസോയെ 3-1 തോൽപ്പിച്ച് ലെസ്റ്റർ സിറ്റി ഗ്രൂപ്പ് സി യിൽ ഒന്നാമതെത്തി.
കളിയുടെ 11നാം മിനുറ്റിൽ തന്നെ പാറ്റ്‌സൺ ഡാക്കയുടെ ഗോളിൽ ലെസ്റ്റർ സിറ്റി മുന്നിലെത്തി. പിന്നാലെ 21നാം മിനുറ്റിൽ ജെയിംസ് മാഡിസന്റെ സീസണിലെ തന്റെ ആദ്യ ഹോം ഗോളിലൂടെ ലെസ്റ്റർ സിറ്റിയുടെ ലീഡ് ഉയർത്തി.
പിന്നാലെ 26നാം മിനുറ്റിൽ ഫിലിപ്പ് മിലാഡിനൊവിക്കിലൂടെ ലെഗിയ വാർസോ തിരിച്ചടിച്ച് കളിയിലേക്ക് തിരിച്ചുവന്നെങ്കിലും, 33നാം മിനുറ്റിൽ തന്നെ വിൽഫ്രഡ് എൻഡിഡിയുടെ ഗോളിലൂടെ ലെസ്റ്റർ സിറ്റി ലീഡ് ഉയർത്തി വിജയം തിരിച്ചുപിടിക്കുകയായിരുന്നു.
ഗ്രൂപ്പ് സി യിൽ രണ്ട് ജയവും, രണ്ട് സമനിലയും, ഒരു തോൽവിയുമായി 8 പോയിന്റോടെ ഒന്നാമതാണ് ലെസ്റ്റർ സിറ്റി.
Post a Comment