ഈ കഴിഞ്ഞ സമ്മർ ട്രാൻസ്‌ഫർ ജാലകത്തിൽ ഫ്രീ ട്രാൻസ്ഫറിലാണ് മുൻ ലിവർപൂൾ താരം വൈനാൽഡം പിഎസ്‌ജിയിലേക്ക് ചേക്കേറിയത്. വൈനാൽഡത്തിനെ നിലനിർത്താൻ ലിവർപൂൾ ശ്രമിച്ചെങ്കിലും ലിവർപൂൾ വിടാനായിരുന്നു വൈനാൽഡത്തിന്റെ തീരുമാനം. ബാഴ്‌സലോണയിലേക്ക് ചേക്കേറുന്നതിന്റെ അവസാന നിമിഷമാണ് പിഎസ്‌ജിയുടെ ഓഫർ സ്വീകരിച്ച് വൈനാൽഡം, പിഎസ്‌ജിലേക്ക് ചേക്കേറിയത്.
പക്ഷെ പ്രതീക്ഷപോലെയുള്ള തുടക്കമല്ല വൈനാൽഡത്തിന് പിഎസ്‌ജിയിൽ ഉണ്ടായത്. മാർക്കോ വെറാറ്റി, ഡാനിലോ പെരേര, ആൻഡർ ഹെരേര, ഇഡ്രിസ ഗുയെ, ലിയാൻഡ്രോ പരേഡെസ് എന്നിവർ മിഡ്‌ഫീൽഡ് റോളിൽ കളിക്കുന്ന പിഎസ്‌ജിയിൽ, പലപ്പോഴും ആദ്യ ഇലവനിൽപ്പോലും വൈനാൽഡത്തിന് അവസരം ലഭിച്ചിരുന്നില്ല.
പുറത്ത് വരുന്ന റിപ്പോർട്ടുകൾ പ്രകാരം ഈ വരുന്ന ജനുവരി ട്രാൻസ്‌ഫർ ജാലകത്തിൽ പിഎസ്‌ജി സമ്മതിക്കുകയാണെങ്കിൽ, ലോണിൽ തിരിച്ച് പ്രീമിയർ ലീഗിലേക്ക് വരാൻ വൈനാൽഡം തയ്യാറാണ്. പക്ഷെ പിഎസ്‌ജി അതിന് സമ്മതിക്കുമോയെന്ന് കണ്ടറിയണം.
ആഴ്സണൽ ആണ് വൈനാൽഡത്തിനെ ലോണിൽ കൊണ്ടുവരാൻ താൽപ്പര്യമുള്ള പ്രീമിയർ ലീഗ് ക്ലബ്.
Post a Comment