 |
മാഞ്ചസ്റ്റർ യുണൈറ്റഡ് താരം ആന്റണി മാർഷ്യൽ സെവിയ്യയിലേക്ക്. താരത്തിന്റെ ട്രാൻസ്‌ഫറുമായി ബന്ധപ്പെട്ട ചർച്ചകളിൽ മാഞ്ചസ്റ്റർ യുണൈറ്റഡും സെവിയ്യയും തമ്മിൽ ധാരണയായി. ലോണിലാക്കും ആന്റണി മാർഷ്യൽ സെവിയ്യയിൽ കളിക്കുക. ആന്റണി മാർഷ്യൽ ഉടൻ തന്നെ സ്പെയിനിൽ എത്തി മെഡിക്കൽ പൂർത്തിയാക്കും.
മാഞ്ചസ്റ്റർ യുണൈറ്റഡ് മുന്നോട്ട് വെച്ച നിബന്ധനകൾ കാരണം സെവിയ്യ, ആന്റണി മാർഷ്യലുമായി ബന്ധപ്പെട്ട ചർച്ചകളിൽ നിന്ന് പിൻമാറുന്നു എന്ന് വാർത്ത വന്നിരുന്നു. ആന്റണി മാർഷലിനെ ലഭിക്കണമെങ്കിൽ, മാർഷലിന്റെ വേതനത്തിന്റെ പകുതിയും ബാക്കി സീസണിൽ ലോൺ ഫീയും നൽകണമെന്നായിരുന്നു മാഞ്ചസ്റ്റർ യുണൈറ്റഡിന്റെ നിലപാട്. തുടർന്ന് നടത്തിയ ചർച്ചകളിലാണ് ഇരു ക്ലബ്ബുകളും തമ്മിൽ ധാരണയായത്.
മുൻനിരയിൽ ക്രിസ്റ്റ്യാനോ റൊണാൾഡോ, എഡിൻസൺ കവാനി എന്നിവർ ഉള്ളതുമൂലം ആദ്യ പതിനൊന്നിൽ സ്ഥാനം കണ്ടെത്താൻ പ്രയാസപ്പെടുന്ന ആന്റണി മാർഷ്യലിന്റെ വരവ്, ലാ ലീഗ കിരീടത്തിന് വേണ്ടി പോരാടുന്ന സെവിയ്യക്ക് കരുത്ത് നൽകുന്നതാണ്. നിലവിൽ ലാ ലീഗ പോയിന്റ് ടേബിളിൽ റിയൽ മാഡ്രിഡിന് പിന്നിലായി രണ്ടാം സ്ഥാനത്താണ് സെവിയ്യ.
إرسال تعليق