മാഞ്ചസ്റ്റർ യുണൈറ്റഡ്, ഡീഗോ സിമിയോണിയെ ക്ലബ്ബിന്റെ പരിശീലക സ്ഥാനത്ത് എത്തിക്കണമെന്ന് ക്ലബ്ബ് ഇതിഹാസം റോയ് കീൻ. ദി ഓവർലാപ്പ് ലൈവിൽ സംസാരിക്കുമ്പോൾ, അടുത്ത സീസണിൽ ഓൾഡ് ട്രാഫോർഡിൽ ആരെയാണ് മാഞ്ചസ്റ്റർ യുണൈറ്റഡ് പരിശീലിക്കാനായി കാണാൻ ആഗ്രഹിക്കുന്നത് എന്ന ചോദ്യത്തിന് മറുപടിയായിയാണ് റോയ് കീൻ, സിമിയോണിയുടെ പേര് പറഞ്ഞത്.
"അദ്ദേഹം ഒരു മികച്ച പരിശീലകനാണ്, അദ്ദേഹം ഒരുപാട് വലിയ കാര്യങ്ങൾ ചെയ്തിട്ടുണ്ട്. കൂടാതെ മികച്ച സ്വഭാവമുള്ള ഒരു വലിയ വ്യക്തിത്വമാണ് അദ്ദേഹത്തിന്റെ. അദ്ദേഹം കളിക്കാരുമായി പ്രശ്നങ്ങൾ ഉണ്ടാക്കാറില്ല. ഇത് മാറിമറിയാം, മാഞ്ചസ്റ്റർ യുണൈറ്റഡിൽ ഇപ്പോഴും നല്ല കാര്യങ്ങൾ നടക്കുന്നുണ്ട്". - റോയ് കീൻ വ്യക്തമാക്കി.
ഒലെ സോൾഷെയറിനെ പുറത്താക്കിയതിന് ശേഷം റാങ്നിക്കിനെയാണ് മാഞ്ചസ്റ്റർ യുണൈറ്റഡിന്റെ ഇടക്കാല പരിശീലകനായി ക്ലബ്ബ് നേതൃത്വം നിയമിച്ചത്. റാങ്നിക്കിന്റെ കീഴിയിലും പ്രതീക്ഷക്കൊത്ത കളിയല്ല ടീം കാഴ്ച്ചവെക്കുന്നത്. നിലവിൽ അടുത്ത സീസണിൽ മാഞ്ചസ്റ്റർ യുണൈറ്റഡ് പരിശീലക സ്ഥാനത്തേക്ക് ഏറ്റവും കൂടുതൽ ഉയർന്നു കേൾക്കുന്ന പേര് പിഎസ്‌ജി പരിശീലകൻ മൗറീഷ്യോ പോച്ചെറ്റിനോയുടെതാണ്.
إرسال تعليق