റയൽ മാഡ്രിഡ് താരം ടോണി ക്രൂസിന് പരിക്ക്. പരിശീലനത്തിനിടെയാണ് താരത്തിന് ഹാംസ്ട്രിംഗിന് പരിക്കേറ്റത്. പരിക്കേറ്റതിനെ തുടർന്ന് താരം, റയൽ സോസിഡാഡിനെതിരെയുള്ള ലാ ലീഗ മത്സരത്തിൽ കളിക്കില്ല. ചാമ്പ്യൻസ് ലീഗിൽ പിഎസ്ജിയെ നേരിടാനൊരുങ്ങുന്ന റയൽ മാഡ്രിഡിന് വൻ തിരിച്ചടിയാണ് താരത്തിന്റെ പരിക്ക്.
താരത്തിന്റെ പരിക്ക് റിയൽ മാഡ്രിഡ് പരിശീലകൻ കാർലോ ആൻസലോട്ടിക്ക് കൂടുതൽ തലവേദന സൃഷ്ടിച്ചിരിക്കുകയാണ്. നിലവിൽ കസെമിറോ, മെൻഡി എന്നിവർക്ക് പരിക്ക് പറ്റിയത് മൂലം ഇരുവരും പിഎസ്ജിക്കെതിരെ നടക്കുന്ന ചാമ്പ്യൻസ് ലീഗ് മത്സരത്തിൽ കളിക്കില്ലായെന്ന് ഉറപ്പാണ്. ഇപ്പോ ഹാംസ്ട്രിംഗിന് പരുക്കേറ്റതിനെ തുടർന്ന്, പിഎസ്ജിക്കെതിരെയുള്ള മത്സരത്തിൽ ക്രൂസും കളിക്കാനിറങ്ങുന്ന കാര്യം സംശയത്തിലാണ്. താരം കളിച്ചില്ലേൽ പകരം കാമവിംഗ ഇറങ്ങാനാണ് സാധ്യത.
അടുത്ത ആഴ്ച്ചയാണ് റയൽ മാഡ്രിഡ് പിഎസ്ജി ചാമ്പ്യൻസ് ലീഗ് പ്രീ ക്വാർട്ടർ രണ്ടാം പാദമത്സരം. ആദ്യ പാദത്തിൽ ഒരു ഗോളിന് പരാജയപ്പെട്ട റിയൽ മാഡ്രിഡിനെ സംബന്ധിച്ചെടുത്തോളം അതിനിർണ്ണായകമാണ് മത്സരം.
Post a Comment