ചാമ്പ്യൻസ് ലീഗ് രണ്ടാം പാദത്തിൽ ചെൽസിയെ നേരിടാനൊരുങ്ങുന്ന റയൽ മാഡ്രിഡിന് മുന്നറിയിപ്പുമായി ചെൽസി പ്രതിരോധ താരം തിയാഗോ സിൽവ. സ്റ്റാംഫോർഡ് ബ്രിഡ്ജിൽ വെച്ച് നടന്ന ആദ്യ പാദത്തിൽ 1നെതിരെ 3ഗോളുകൾക്ക് പരാജയപ്പെട്ടതിന് പിന്നാലെയാണ് താരം ട്വിറ്ററിൽ ചിത്രങ്ങൾ പങ്കുവെച്ച് റയൽ മാഡ്രിഡിന് മുന്നറിയിപ്പ് നൽകിയിരിക്കുന്നത്.
“പരാജിതർ പോരാട്ടം ഉപേക്ഷിക്കുന്നവരാണ്. പക്ഷെ വിട്ടുകൊടുക്കാൻ ഞങ്ങൾ തയ്യാറല്ല. പൊരുതാൻ ഞങ്ങൾ തയ്യാറാണ്”- താരം ട്വീറ്റ് ചെയ്തു.
ചാമ്പ്യൻസ് ലീഗ് കിരീടം നിലനിർത്തണമെങ്കിൽ ചെൽസിക്ക് സാന്‍റിയാഗോ ബെർണബ്യൂവിൽ വെച്ച് നടക്കുന്ന രണ്ടാം പാദത്തിൽ റയൽ മാഡ്രിഡിനോട് ഗോൾ ഒന്നും വഴങ്ങാതെ രണ്ട് ഗോളുകൾക്കെങ്കിലും അവരെ പരാജയപ്പെടുത്തേണ്ടതുണ്ട്. നിലവിൽ മികച്ച ഫോമിൽ കളിക്കുന്ന റയൽ മാഡ്രിഡിനെ അവരുടെ മൈതാനത്ത് ചെൽസിക്ക് പരാജയപ്പെടുത്താൻ കഴിയുമോ എന്നത് കണ്ടറിഞ്ഞ് തന്നെ കാണണം.
Losers are those who give up on fighting. And we won’t give up. We will stand back up as many times as needed. pic.twitter.com/Eeu4G8gcX8
— Thiago Silva (@tsilva3) April 7, 2022
Post a Comment