ചാമ്പ്യൻസ് ലീഗിൽ ലിവർപൂളിനെ പരാജയപ്പെടുത്തി 14ആം കിരീടം സ്വന്തമാക്കിയതിന് പിന്നാലെ എംബാപ്പെ വിഷയത്തിൽ മൗനം വെടിഞ്ഞ് റയൽ മാഡ്രിഡ് പ്രസിഡൻ്റ് പെരെസ്. റയൽ മാഡ്രിഡിനെ സംബന്ധിച്ച് എംബാപ്പെ ഒരു അടഞ്ഞ അദ്ധ്യായമാണ് എന്നാണ് അദ്ദേഹം വ്യക്തമാക്കിയത്
"ഇവിടെ ഇപ്പോൾ റയൽ മാഡ്രിഡിൻ്റെ ആഘോഷങ്ങൾ മാത്രമാണുള്ളത്, ഞാൻ ഇപ്പോൾ വളരെയേറെ സന്തോഷവാനാണ്. ഈ ഒരു മുഹൂർത്തത്തിന് വേണ്ടിയാണ് എല്ലാ സീസണിലും ഞങ്ങൾ പരിശ്രമിക്കാറുള്ളത്. നല്ല കളിക്കാർക്ക് വേണ്ടി ക്ലബ്ബ് എപ്പോഴും പരിശ്രമിച്ച് കൊണ്ടേയിരിക്കും. പക്ഷേ റയൽ മാഡ്രിഡിനെ സംബന്ധിച്ച് എംബാപ്പെ ഒരു അടഞ്ഞ അദ്ധ്യായമാണ്. ക്ലബ്ബിനെ സംബന്ധിച്ച് ഇത് ഒരു മികച്ച സീസൺ തന്നെയായിരുന്നു". - പെരെസ് പറഞ്ഞു.
എംബാപ്പെ പിഎസ്‌ജിയുമായി കരാർ പുതുക്കിയ ഞെട്ടലിലും അമർഷത്തിലുമാണ് റയൽ മാഡ്രിഡ് ആരാധകർ ഇപ്പോഴും. ചാമ്പ്യൻസ് ലീഗ് ഫൈനലിലും താരത്തിനെതിരെ പ്ലേയ്ക്കാർഡുകളും മുദ്രാവാക്യങ്ങളും റയൽ മാഡ്രിഡ് ആരാധകർ നടത്തിയിരുന്നു.
Post a Comment