ഈ സീസണിൽ മികച്ച ഫോമിൽ കളിച്ചുകൊണ്ടിരിക്കുന്ന ബെൻഫിക്കയുടെ മുന്നേറ്റ താരം ഡാർവിൻ നുനസിന് വേണ്ടി മാഞ്ചസ്റ്റർ യുണൈറ്റഡ് നൽകിയ ഓഫർ താരം തന്നെ നിരസിച്ചിരിക്കുകയാണ്. റിപ്പോർട്ടുകൾ പ്രകാരം താരത്തിന് ചാമ്പ്യൻസ് ലീഗ് കളിക്കണമെന്നുള്ളത് കൊണ്ടാണ് താരം മാഞ്ചസ്റ്റർ യുണൈറ്റഡിൻ്റെ ഓഫർ നിരസിക്കാനുള്ള കാരണം.
ബെൻഫികക്കായി ഈ സീസണിൽ 32 ഗോളുകൾ നേടിയ താരത്തിന് ക്ലബിട്ടിരുക്കുന്ന റിലീസിംഗ് ക്ലോസ് എൺപതു മില്ല്യൺ യൂറോയാണ്. അത് നൽകാൻ തയ്യാറായിട്ടും ചാമ്പ്യൻസ് ലീഗ് കളിക്കണമെന്ന മോഹമുള്ളത് കൊണ്ടാണ് താരം മാഞ്ചസ്റ്റർ യുണൈറ്റഡിൻ്റെ ഓഫർ വേണ്ടെന്ന് വെച്ചത്.
നിലവിൽ താരത്തിനായി ന്യൂകാസ്റ്റിൽ യുണൈറ്റഡ്, പിഎസ്ജി, ആഴ്‌സണൽ എന്നീ ടീമുകൾ രംഗത്തുണ്ട്. നേരത്തെ ഈ കാരണത്താൽ തന്നെ ന്യൂകാസ്റ്റിൽ യുണൈറ്റഡിൻ്റെ ഓഫറും താരം നിരസിച്ചിരുന്നു. ഒരുപക്ഷേ ആഴ്‌സണലിന് ചാമ്പ്യൻസ് ലീഗ് യോഗ്യത നേടാൻ സാധിച്ചാൽ, താരത്തിനായി പിഎസ്ജിയും ആഴ്‌സണലും തമ്മിലുള്ള ഒരു ശക്തമായ മത്സരം നടക്കാൻ സാധ്യതയുണ്ട്.
Post a Comment