ഈ വരുന്ന ട്രാൻസ്ഫെറിൽ അറ്റാക്കിങ് മിഡ്ഫീൽഡർ താരം ഹസാർഡ് റയൽ മാഡ്രിഡ് വിട്ട് ഇംഗ്ലീഷ് പ്രീമിയർ ലീഗിലേക്ക് ചേക്കെറുമെന്ന അഭ്യുഹം ശക്തമായിരിക്കെ, താൻ റയൽ മാഡ്രിഡിൽ തന്നെ തുടരുമെന്ന് വ്യക്തമാക്കി താരം. വിടിഎം ന്യൂസിനോട് സംസാരിക്കവെയാണ് താരം തനിക്ക് 2024 വരെ റയൽ മാഡ്രിഡിൽ കരാറുണ്ട് എന്ന് പറഞ്ഞത്.
"എല്ലാവർക്കും അറിയാം എനിക്ക് റയൽ മാഡ്രിഡുമായി 2024 വരെ കരാറുണ്ട് എന്ന്. ആദ്യത്തെ മൂന്ന് സീസൺ എനിക്ക് അത്ര മികച്ചതായിരുന്നില്ല. അതുകൊണ്ട് തന്നെ ഇവിടെ എനിക്ക് എന്ത് ചെയ്യാൻ കഴിയുമെന്ന് എല്ലാവർക്കും കാണിച്ച് കൊടുക്കണം. റയൽ മാഡ്രിഡിനായി കളിക്കുക എന്നത് എപ്പോഴും ഒരു സ്വപ്നമായിരുന്നു, അത് ഇപ്പോഴും ഉണ്ട്." - താരം പറഞ്ഞു.
നേരത്തെ പരിശീലകൻ അൻസലോട്ടിയും താരം അടുത്ത സീസണിൽ റയൽ മാഡ്രിഡിൽ തന്നെ തുടരുമെന്ന് വ്യക്തമാക്കിയിരുന്നു. പരിക്കും അതെ തുടർന്നുള്ള ഫോമില്ലായിമയും മൂലം താരത്തിന് ഇത് വരെ റയൽ മാഡ്രിഡിന് വേണ്ടി മികച്ച പ്രകടനം പുറത്തെടുക്കാൻ സാധിച്ചിട്ടില്ല.
إرسال تعليق