ഈ വരുന്ന ജൂണിൽ കരാർ അവസാനിക്കുന്ന ജുവെന്റസ് മുന്നേറ്റ താരം ഡിബാലക്കായി സീരി എ വമ്പന്മാരായ ഇൻ്റർ മിലാൻ രംഗത്ത്. ഫ്രീ ഏജൻ്റായി ജുവെന്റസ് വിടുന്ന താരത്തിന് ഇൻ്റർ മിലാൻ 4 വർഷത്തെ കരാറാണ് വാഗ്ദ്ധാനം ചെയ്തിരിക്കുന്നത് എന്നാണ് റിപ്പോർട്ട്. താരത്തിൻ്റെ കരാർ പുതുക്കാനുള്ള ശ്രമങ്ങൾ ജുവെന്റസ് നടത്തിയിരുന്നെങ്കിലും, താരം കരാർ പുതുക്കാൻ തയ്യാറായിരുന്നില്ല. തുടർന്ന് താരത്തെ ടീമിൻ്റെ ഭാഗമായി നിലനിർത്തേണ്ട എന്ന് തീരുമാനിക്കുകയായിരുന്നു ജുവെന്റസ്.
ഇറ്റലിയിൽ തന്നെ തുടരാനാണ് താരത്തിൻ്റെ തീരുമാനമെങ്കിലും, ജുവെന്റസിൽ ഇപ്പോൾ കിട്ടുന്ന വേതനത്തേക്കൾ കുറവ് വേതനം നൽകുന്ന കരാറാണ് ഇന്റർ മിലാൻ ഡിബാലക്ക് മുന്നിൽ വെച്ചിരിക്കുന്നത്. പ്രതിവർഷം 6 മില്ല്യൺ നൽകുന്ന 4 വർഷത്തെ കരാറാണ് ഇത്. ജുവെന്റസിൽ പ്രതിവർഷം 7 മില്ല്യൺ വാങ്ങുന്ന ഡിബാലക്ക് ഇറ്റലിയിൽ തുടരാനുള്ള ആഗ്രഹമുള്ളത് കൊണ്ട് തന്നെ, തങ്ങൾ വാഗ്ദ്ധാനം ചെയ്ത കരാർ താരം സ്വീകരിക്കും എന്ന് തന്നെയാണ് ഇൻ്റർ മിലാൻ നേതൃത്വത്തിൻ്റെ പ്രതീക്ഷ.
ജുവെന്റസിലെ പ്രധാന താരമായിരുന്ന ഡിബാലക്ക് പരിക്കും, യുവ സൂപ്പർ താരം വ്‌ളാഹോവിച്ച് ടീമിലേക്ക് വന്നതുമാണ് തിരിച്ചടിയായത്. പലർമോയിൽ നിന്നും 2015ൽ ജുവന്റസിൽ എത്തിയ ഡിബാല, ജുവെന്റസ് അഞ്ചു സീരി എ കിരീടവും, കോപ്പ ഇറ്റാലിയ കിരീടവും നേടുന്നതിൽ നിർണ്ണായക പങ്കുവഹിച്ചിട്ടുണ്ട്.
ഇൻ്റർ മിലാന് പുറമെ ഫ്രീ ഏജൻ്റാക്കുന്ന താരത്തിനായി അത്‌ലറ്റിക്കോ മാഡ്രിഡും ഡോർട്ട്മുണ്ടും ശക്തമായി രംഗത്തുണ്ട്.
Post a Comment