ഇറ്റലിയെ മൂന്ന് ഗോളുകൾക്ക് പരാജയപ്പെടുത്തി അർജന്റീന 2022 ഫൈനലിസിമ കിരീട ജേതകളായെങ്കിലും അർജന്റീന ടീമിന് മുന്നറിയിപ്പുമായി പരിശീലകൻ സ്‌കലോണി. മറ്റൊരു ടൂർണമെൻ്റും പോലെയല്ല ലോകകപ്പ് ടൂർണമെൻ്റ് എന്നാണ് പരിശീലകൻ ടീമിന് മുന്നറിയിപ്പ് നൽകിയത്.
"എല്ലാം ചെയ്‌തുവെന്ന്‌ നിങ്ങൾ കരുതുന്നുണ്ടെങ്കിൽ അത് തെറ്റാണ്. ലോകകപ്പ് മറ്റ് ടൂർണമെൻ്റുകളിൽ നിന്ന് തീർത്തും വ്യത്യസ്‌തമാണ്‌, അതിന്റെ സമ്മർദ്ദവും വ്യത്യസ്‌തമാണ്‌. ഞങ്ങളതിനെയും ഇതുപോലെ തന്നെ നേരിടേണ്ടതുണ്ട്. ചില സമയത്ത് തടസങ്ങൾ നേരിടുമ്പോൾ അവിടെയാണ് ഈ ടീം കരുത്തരാകേണ്ടത്, എനിക്ക് ആശങ്കയുള്ള കാര്യവും അതാണ്." ടൈക് സ്പോർട്സിനോട് സംസാരിക്കവെ സ്‌കലോണി വ്യക്തമാക്കി.
വെംബ്ലിയിൽ നടന്ന മത്സരത്തിൽ അർജന്റീനക്ക് വേണ്ടി ലൗട്ടാരോ മാർട്ടിനെസ്, ഡി മരിയ, ഡിബാല എന്നിവർ ലക്ഷ്യം കണ്ടപ്പോൾ, ഗോളിലേക്കുള്ള രണ്ട് വഴിയൊരുക്കിയത് നായകൻ മെസ്സിയായിരുന്നു. ഇറ്റലിക്കെതിരെയുള്ള വിജയത്തോടെ അർജന്റീന 32 മത്സരങ്ങളിൽ അവരുടെ അപരാജിത കുതിപ്പ് തുടരുകയാണ്.
إرسال تعليق