ഈ സീസണിൽ ഫ്രീ ഏജന്റായി പിഎസ്‌ജി വിട്ട മുന്നേറ്റ താരം ഡി മരിയ യുവന്റസിലേക്ക് ചേക്കേറുമെന്ന അഭ്യൂഹം ശക്തമാണ്. യുവന്റസ് ഇതിഹാസം ബുഫൺ ഇപ്പോൾ പറഞ്ഞിരിക്കുന്നത് ഡി മരിയ യുവന്റസിലേക്ക് വരുകയാണെങ്കിൽ അത് മറഡോണ നപോളിലേക്ക് വന്നതിന് സമാനമായിരിക്കുമെന്നാണ്.
ഗസറ്റ ഡെല്ല സ്പോർട്ടിനോട് സംസാരിക്കവേ " ഡി മരിയ സീരി എയിലേക്ക് വന്നാൽ അത് മറഡോണ സീരി എയിലേക്ക് വന്നതിന് സമാനമായിരിക്കും. സീരി എ നിലവിൽ സാങ്കേതികപരമായി വളരെ പിന്നിലാണ്. പക്ഷേ ഡി മരിയ വളരെ സാങ്കേതികത്വവുമുള്ള ഒരു കളിക്കാരനാണ്. നിരവധി പൊസിഷനുകളിൽ കളിക്കാൻ താരത്തിനാകും. മൈതാനത്ത് കയറി ഇറങ്ങി കളിക്കാനും, അസിസ്റ്റുകൾ നൽകാനും, കളിക്കാരെ ഡ്രിബിൾ ചെയ്‌ത് ഗോൾ നേടാനും കഴിവുള്ള താരമാണ് ഡി മരിയ. അദ്ദേഹം തീർത്തും ഒരു മികച്ച ഫുട്ബോളരാണ്." - ബുഫൺ പറഞ്ഞു.
നേരത്തെ പിഎസ്‌ജിയിൽ ബുഫണും ഡി മരിയയും ഒരുമിച്ച് കളിച്ചിട്ടുണ്ട്. പിഎസ്‌ജിക്കായി നിരവധി കിരീടങ്ങൾ നേടിയ ഡി മരിയ, ഏഴ് വർഷം പിഎസ്‌ജിക്കായി ബൂട്ട് കെട്ടിയതിന് ശേഷമാണ് ക്ലബ്ബിനോട് വിടപറഞ്ഞത്.
Gianluigi Buffon: "Di María, at the moment, in the Italian league is like Maradona. Do I explain myself? Today Serie A is technically poorer and Ángel has a lot of technique." 🇦🇷🇮🇹 This via La Gazzetta dello Sport. pic.twitter.com/IqLqD88Tfn
— Roy Nemer (@RoyNemer) June 20, 2022
إرسال تعليق