ഈ സീസണിന് ശേഷം ലിവർപൂൾ വിടുമെന്ന് വ്യക്തമാക്കിയ മാനെക്ക് പകരം, മാഞ്ചസ്റ്റർ യുണൈറ്റഡ് ഓൾഡ് ട്രാഫോർഡിലേക്ക് എത്തിക്കാൻ ശ്രമിക്കുന്ന ഡാർവിൻ നുനസിനായി ലിവർപൂളും രംഗത്ത്. ഈ സീസണിൽ ബെൻഫികക്ക് വേണ്ടി മികച്ച പ്രകടനം കാഴ്ച്ചവെച്ച താരത്തിനായി 85 മില്ല്യൺ പൗണ്ട് വരെ മുടക്കാൻ ലിവർപൂൾ തയ്യാറാണെന്നാണ് റിപ്പോർട്ട്.
മാഞ്ചസ്റ്റർ യുണൈറ്റഡ് ഈ വരുന്ന സീസണിൽ ക്ലബ്ബിൽ എത്തിക്കാൻ ശ്രമിക്കുന്ന പ്രധാനപ്പെട്ട താരങ്ങളിൽ ഒരാളാണ് ഉറുഗ്വേൻ തയാറാമായ ഡാർവിൻ നുനസ്. നേരത്തെ ഉറുഗ്വേൻ താരത്തിനായി മാഞ്ചസ്റ്റർ യുണൈറ്റഡ് നൽകിയ ഓഫർ താരം തന്നെ നിരസിച്ചിരുന്നു. താരത്തിന് ക്ലബ്ബിട്ടിരിക്കുന്ന റിലീസിംഗ് ക്ലോസ് മാഞ്ചസ്റ്റർ യുണൈറ്റഡ് നൽകാൻ തയ്യാറായിട്ടും, ചാമ്പ്യൻസ് ലീഗ് കളിക്കണമെന്ന മോഹമുള്ളത് കൊണ്ട് താരം തന്നെ അത് നിരസിക്കുകയായിരുന്നു.
ഓഫർ നിരസിച്ചെങ്കിലും താരത്തെ ക്ലബ്ബിൽ എത്തിക്കാമെന്ന മാഞ്ചസ്റ്റർ യുണൈറ്റഡിന്റെ പ്രതീക്ഷകൾക്ക് തിരിച്ചടിയാണ് താരത്തിനായി ലിവർപൂളും രംഗത്തെത്തിയത്. ചാമ്പ്യൻസ് ലീഗിൽ കളിക്കുന്നത് കൊണ്ടും, നിലവിൽ ഇംഗ്ലീഷ് പ്രീമിയർ ലീഗിലെ ഏറ്റവും മികച്ച ടീമുമായ ലിവർപൂളിന്, മാഞ്ചസ്റ്റർ യുണൈറ്റഡിനെ മറികടന്ന് താരത്തെ ആൻഫീൽഡിൽ എത്തിക്കാൻ കഴിയുമെന്ന് തന്നെയാണ് ലിവർപൂൾ നേതൃത്വം കണക്കൂട്ടുന്നത്.
Post a Comment