കരിയറിലെ തന്നെ ഏറ്റവും മികച്ച ഫോമിൽ കളിച്ചു കൊണ്ടിരിക്കുകയാണ് വിനീഷ്യസ് ജൂനിയർ. റയൽ മാഡ്രിഡിനെ ലാ ലിഗ ചാമ്പ്യൻസ് ലീഗ് ജേതാക്കളാക്കുന്നതിൽ താരം നിർണ്ണായക പങ്കുവഹിച്ചിരുന്നു. ഖത്തർ ലോകകപ്പ് നടക്കാനിരിക്കെ റയൽ മാഡ്രിഡിൽ കാഴ്ച്ചവെച്ച പ്രകടനം താരത്തിന് ബ്രസീലിനായും കാഴ്ച്ച വെക്കാൻ സാധിക്കുമെന്നാണ് ആരാധകർ വിശ്വസിക്കുന്നത്. ഇപ്പോഴിതാ താരത്തെ 2014ലെ നെയ്‌മറുമായി ഉപമിച്ചിരിക്കുയാണ് ബ്രസീൽ പരിശീലകൻ ടിറ്റെ.
"ഞാൻ താരത്തിനോട് ഒരു പരിശീലന വേളയിൽ പറഞ്ഞിട്ടുണ്ട്, നിങ്ങൾ 2014 നെയ്‌മറാണെന്ന്. ഇത് ഞാൻ താരത്തിനോട് പറയാൻ കാരണം, അന്ന് നെയ്മർ ബാഴ്‌സലോണയിലും ദേശീയ ടീമിലും കളിച്ചിരുന്നത് വിങ്ങിലായിരുന്നു, പക്ഷെ ഇന്ന് നെയ്മർ കളിക്കുന്നത് മധ്യത്തിലാണ്."- ടിറ്റെ വ്യക്തമാക്കി. കൂടാതെ നെയ്മറിനെ അദ്ദേഹത്തിന്റെ ക്ലബ്ബിലെ പരിശീലകർ കളിപ്പിക്കുന്ന രീതിയെയും ടിറ്റെ വിമർശിച്ചു. നെയ്മർ പല പ്രശ്നങ്ങളുടെയും പരിഹാമാണെന്നും, അല്ലാതെ പ്രശ്നമല്ലെന്നും ടിറ്റെ കൂട്ടിച്ചേർത്തു.
വിനീഷ്യസ് ജൂനിയറിൻ്റെ റയൽ മാഡ്രിഡിലെ തുടക്കം പതുക്കെയായിരുന്നെങ്കിലും, ഇന്ന് കാർലോ ആൻസലോട്ടിക്ക് കീഴിൽ കളിക്കുന്ന റയൽ മാഡ്രിഡിലെ പ്രധാനപ്പെട്ട കളിക്കാരനാണ് താരം. വരുന്ന ലോകകപ്പിൽ താരത്തിന് നെയ്മറെ മറികടന്ന് ബ്രസീൽ ടീമിൻ്റെ പ്രധാന താരമാകാൻ കഴിയുമോയെന്നാണ് ഫുട്ബോൾ ലോകം നോക്കുന്നത്.
Post a Comment